મહિલા શિક્ષા દરમાં વધારો, પરંતુ નોકરી કરવામાં હજી પણ પુરુષો આગળ
દરેક માતાપિતા તેમના પુત્રની જેમ તેમની પુત્રીઓને શિક્ષિત કરવા માટે તમામ પ્રયત્નો કરી રહ્યા છે. તેનું પરિણામ આવ્યું છે કે છેલ્લા કેટલાક વર્ષોમાં દેશમાં મહિલાઓના શિક્ષણનો દર વધ્યો છે.
દરેક માતાપિતા તેમના પુત્રની જેમ તેમની પુત્રીઓને શિક્ષિત કરવા માટે તમામ પ્રયત્નો કરી રહ્યા છે. તેનું પરિણામ આવ્યું છે કે છેલ્લા કેટલાક વર્ષોમાં દેશમાં મહિલાઓના શિક્ષણનો દર વધ્યો છે. જો કે, મહિલાઓ નોકરી મેળવવાના મામલે હજી પણ ઘણી પાછળ છે. નેશનલ સેમ્પલ ડેવલપર ઓર્ગેનાઇઝેશન (એનએસએસઓ) ના સર્વેક્ષણના અહેવાલ મુજબ, મહિલાઓ તકનીકી તાલીમ મેળવ્યા બાદ રોજગાર મેળવવામાં પુરુષો કરતાં ઘણી પાછળ છે.
પ્રાપ્ત માહિતી અનુસાર, કુલ તકનીકી તાલીમ મેળવનારામાં લગભગ 70 ટકા યુવક અને 38 ટકા યુવતીઓને જ રોજગાર મળે છે. બાકીની મહિલાઓને રોજગાર મળતો નથી. એનએસએસઓએ સર્વે દરમિયાન તકનીકી અને વ્યાવસાયિક શિક્ષણની તાલીમ લઈ રહેલા 21 વિવિધ ક્ષેત્રના ડેટા સૂચિબદ્ધ કર્યા છે. આ સર્વેમાં 15 થી 59 વર્ષની વયના લોકોનો સમાવેશ કરવામાં આવ્યો છે.
આ પણ વાંચો: લોન વિના પણ તમારુ બાળક કરી શકશે ઉચ્ચ અભ્યાસ, 35 લાખની બચત પણ થશે
સાથે દેશમાં તકનીકી શિક્ષણ મેળવનારા લોકોની ટકાવારી 3 કરતા ઓછી છે. તો, 15 થી 29 વર્ષની વયના 2.8 ટકા લોકો ફક્ત તકનીકી વ્યાવસાયિક શિક્ષણ પ્રાપ્ત કરી શકે. તેમાંથી ગ્રામીણ બેરોજગારીનો દર 17.4 ટકા છે. આ ઉપરાંત શહેરી બેરોજગારીનો દર 18.7 ટકા છે. મહિલાઓમાં બેરોજગારીનું પ્રમાણ પુરુષો કરતા વધારે છે. 13.6 ટકા ગ્રામીણ મહિલાઓ બેરોજગાર છે, જ્યારે 27.2 ટકા શહેરી મહિલાઓ બેરોજગાર છે.
આ સર્વેક્ષણથી, એવું લાગે છે કે જો કે મહિલાઓને તેમના માતાપિતા ભણાવવા માટે તૈયાર થઈ જાય છે, પરંતુ પછીથી નોકરી કરવાની મંજૂરી આપતા નથી. તો કેટલીક છોકરીઓને લગ્ન પછી નોકરી કરવાની પરવાનગી મળતી નથી. તેથી હવે સમય આવી ગયો છે કે મહિલાઓને શિક્ષિત કરવામાં આવી રહી છે તે જ રીતે નોકરી કરવાની પણ છૂટ મળે. જેથી તેઓ ખરેખર પુરુષોને ટક્કર આપી શકે.
આ પણ વાંચો: નોકરિયાત લોકો માટે ખાસ સમાચાર: PF ને લગતા નિયમોમાં મોટો ફેરફાર