સોનાના ભાવ ફરી આસમાને, ચાંદીમાં પણ વધ્યો ચળકાટ!

નવી દિલ્હી, 15 જુલાઇ : રૂપિયો એક બાજુ દિવસેને દિવસે ડોલરની સરખામણીમાં નબળો પડતો જઇ રહ્યો છે જ્યારે બીજી બાજું સોનામાં ફરી તેજી આવતી દેખાઇ રહી છે. આંતરરાષ્ટ્રીય બજારમાં મજબૂતી અને ઘરેલું બજારતમાં રૂપિયાનો ભાવ નીચે જવાના કારણે સોનામાં ફરી ઉછાળો આવ્યો છે.

સોનાની સાથે-સાથે ચાંદીની કિંમતોમાં પણ વધારો નોંધાયો છે. બજાર માટે આ સારા સંકેત છે. સોમવારે બજાર ખુલવાની સાથે જ કોમેક્સ પર સોનું એક ટકાની મજબૂતી સાથે 1,290 ડોલરની ખૂબ જ નજીક પહોંચી ગયું છે. જ્યારે ચાંદી 1.3 ટકા વધીને 20 ડોલરને પાર પહોંચી ગઇ છે.

બજારના આંકડાઓ અનુસાર એમસીએક્સ પર સોનું 0.72 ટકા વધીને 27,047 રૂપિયાની આસપાસ કારોબાર કરી રહ્યું છે જ્યારે ચાંદી પણ લગભગ 0.5 ટકાની ઝડપે 41000 રૂપિયાની આસપાસ કારોબાર કરી રહી છે.

આજે સોનાનો ભાવ 27,047 રૂપિયા પ્રતિ દસ ગ્રામ છે. સોનું હવે મોંઘું થતું જઇ રહ્યું છે. જ્યારે ચાંદીની ચમક પણ ધીરે ધીરે વધી રહી છે. બજારનું માનવું છે કે હજી આવનારા દિવસોમાં સોના-ચાંદીની કિંમતોમાં વધું ઉછાળો આવી શકે છે.

English summary

Gold price took positive cues from global markets to rise 0.72 per cent in future trade, to Rs 27,047 per 10 grams.