HDFC બેંકે એફડી પર વધાર્યા વ્યાજદરો, ગ્રાહકોને થશે ફાયદો
આરબીઆઈ તરફથી રેપો રેટમાં વધારો કરાયા બાદ ખાનગી ક્ષેત્રની સૌથી મોટી બેંક HDFC બેંકે પોતાના ગ્રાહકોને ખાસ ભેટ આપી છે. HDFC બેંકે ફિક્સ ડિપોઝીટ (એફડી) પર વ્યાજદરો વધારી દીધા છે.
આરબીઆઈ તરફથી રેપો રેટમાં વધારો કરાયા બાદ ખાનગી ક્ષેત્રની સૌથી મોટી બેંક HDFC બેંકે પોતાના ગ્રાહકોને ખાસ ભેટ આપી છે. HDFC બેંકે ફિક્સ ડિપોઝીટ (એફડી) પર વ્યાજદરો વધારી દીધા છે. એફડી પર વ્યાજદરોમાં આ વધારો 0.6 ટકા એટલે કે 60 બેસિસ પોઈન્ટ સુધી થયો છે. 6 ઓગસ્ટથી વ્યાજદરોના સંશોધિત દરો પ્રભાવિત થઈ ગયા છે. HDFC ના નિર્ણય બાદ માનવામાં આવી રહ્યુ છે કે બીજી બેંકો પણ આવો નિર્ણય લઈ શકે છે.
HDFC એ એફડી પર વ્યાજદરો 0.6 ટકા વધાર્યા
ફિક્સ ડિપોઝીટ (એફડી) વ્યાજદરોમાં વધારાથી લોનના વ્યાજદરો પર પણ દબાવ પડવાની સંભાવના છે. બેંકે છ મહિનાથી લઈને પાંચ વર્ષની ટર્મ ડિપોઝીટ પર વ્યાજદરોમાં વધારો કર્યો છે. છ મહિનાથી નવ મહિનાની એફડી પર વ્યાજ દર 40 બેસિસ પોઈન્ટ એટલે કે 0.4 ટકા વધીને 6.75 ટકા કરી દેવામાં આવ્યુ છે. નવ મહિના ત્રણ દિવસથી લઈને એક વર્ષથી ઓછાની એફડી પર વ્યાજદરો 0.6 ટકા વધારવામાં આવ્યા છે.
6 ઓગસ્ટથી સંશોધિત દરો થયા લાગુ
એચડીએફસી બેંકે એક વર્ષની એફડી પર વ્યાજદરોમાં 40 બેસિસ પોઈન્ટ એટલે કે 0.4 ટકા વધારીને 7.25 ટકા કરી દેવામાં આવ્યુ છે. જો કે બે વર્ષ એક દિવસથી લઈને પાંચ વર્ષની ફિક્સ ડિપોઝીટ પર વ્યાજદર 10 બેસિસ પોઈન્ટ એટલે કે 0.10 ટકાનો વધારો કરવામાં આવ્યો છે.
અન્ય બેંક પણ ઉઠાવી શકે છે આ પગલુ
તમને જણાવી દઈએ કે ગયા સપ્તાહે જ ભારતીય રિઝર્વ બેંકે મૌદ્રિક નીતિની સમીક્ષા દરમિયાન રેપો રેટને 0.25 ટકા કરીને 6.50 ટકા કરી દીધુ હતુ. આ નિર્ણય બાદ એચડીએફસી બેંકે એફડી પર વ્યાજ દરો વધારવાનું એલાન કર્યુ છે. આ પહેલા સ્ટેટ બેંક ઓફ ઈન્ડિયાએ એફડી પર વ્યાજદરો વધાર્યા હતા.