Hindenburg-Adani Group: 17% સુધી ગગડ્યા અદાણી ગ્રુપના શેર, રોકાણકારોના 53,000 કરોડ ડૂબ્યા, શેર બજાર બેઅસર
Hindenburg-Adani Group: હિંડનબર્ગ રિસર્ચના આરોપો બાદ સોમવારે અદાણી ગ્રુપની કંપનીઓના શેરમાં ભારે દબાણ જોવા મળ્યું હતું. હિન્ડનબર્ગ રિપોર્ટમાં દાવો કરવામાં આવ્યો છે કે સેબીના ચેરપર્સન માધાબી પુરી બુચની અદાણી મની સિફનિંગ કૌભાંડમાં સામેલ ઓફશોર એન્ટિટીમાં હિસ્સો હતો.
અદાણી એન્ટરપ્રાઇઝ 5.27% ઘટીને રૂ. 3,018.55ની નીચી સપાટીએ પહોંચ્યો હતો. બૉમ્બે સ્ટોક એક્સચેન્જ (BSE) પર અદાણી પાવર 10.94% ઘટીને રૂ. 619ની નીચી સપાટીએ પહોંચ્યો હતો. અદાણી એનર્જી સોલ્યુશન્સ સૌથી વધુ ઘટ્યો હતો અને તે 17.06% ઘટીને રૂ. 915.70 થયો હતો. જોકે બાદમાં આંશિક સુધારો જોવા મળ્યો હતો.
આજે સવારે અદાણી જૂથની કંપનીઓના શેરમાં 7%નો ઘટાડો નોંધાયો હતો. જેના કારણે રોકાણકારોને અંદાજે રૂ. 53,000 કરોડનું નુકસાન થયું છે. એટલું જ નહીં, અદાણી ગ્રૂપના 10 શેરમાં ઘટાડાને કારણે શેરબજારમાં જૂથનું કુલ મૂલ્ય 16.7 લાખ કરોડ રૂપિયા પર પહોંચી ગયું છે.
અદાણી ગ્રીન એનર્જી 6.96% ઘટીને રૂ. 1,656.05, જ્યારે અદાણી ટોટલ ગેસ 13.39% ઘટીને રૂ. 753. પરંતુ બાદમાં અદાણી ટોટલ ગેસનો શેર 4.55% ઘટીને રૂ. 829.85 થયો હતો. આ સિવાય અદાણી વિલ્મર 6.49% ઘટીને રૂ. 360 અને અદાણી પોર્ટ્સ 4.95% ઘટીને રૂ. 1,457.35 પર આવી ગયા હતા.
જોકે, અદાણી ગ્રુપે હિંડનબર્ગના આરોપોને સંપૂર્ણપણે ફગાવી દીધા છે. જો કે આ રિપોર્ટની અસર અદાણી ગ્રુપના શેર પર જોવા મળી છે. પરંતુ શેરબજારમાં તેની ખાસ અસર જોવા મળી નથી. સેન્સેક્સ અને નિફ્ટી પર કોઈ ખાસ અસર જોવા મળી નથી. સેન્સેક્સ 375.79 પોઈન્ટ્સ (0.47%) અને નિફ્ટી 47.45 પોઈન્ટ્સ (0.19%) ઘટ્યો હતો. પરંતુ હાલમાં સેન્સેક્સ અને નિફ્ટી બંને લીલા નિશાન પર ટ્રેડ કરી રહ્યાં છે.
તમને જણાવી દઈએ કે સેબી ચીફે હિંડનબર્ગના આરોપોને સંપૂર્ણપણે ફગાવી દીધા છે. જ્યારે માધબી પુરી બુચે તમામ આરોપોને નકારી કાઢ્યા છે, ત્યારે સેબીએ એક નિવેદન બહાર પાડીને જણાવ્યું છે કે બુચે તેના હોલ્ડિંગ અને તેમના હસ્તાંતરણ વિશે તમામ જરૂરી માહિતી આપી છે.
Click it and Unblock the Notifications
Sign in with Google
