અદાણી ગ્રુપને લઈને હિંડન બર્ગ રિસર્ચ-સેબી સામસામે, SEBIની નોટિસ પર આપ્યો આકરો જવાબ
Hindenburg Research-SEBI: અમેરિકન શોર્ટ સેલર હિંડનબર્ગ રિસર્ચે જે રીતે ગયા વર્ષે અદાણી ગ્રૂપ અંગે પોતાનો રિપોર્ટ આપ્યો હતો, તેનાથી અદાણી ગ્રૂપના શેરને મોટો ફટકો પડ્યો હતો. પરંતુ હવે સેબી દ્વારા હિંડનબર્ગ રિસર્ચને કારણ બતાવો નોટિસ જાહેર કરવામાં આવી છે.
તમને જણાવી દઈએ કે હિંડનબર્ગ રિસર્ચે આરોપ લગાવ્યો હતો કે અદાણી ગ્રુપ તેના દેવાને ઓછું કરવા માટે અયોગ્ય માધ્યમોનો ઉપયોગ કરે છે. સેબીની નોટિસ પર નિશાન સાધતા હિંડનબર્ગે કહ્યું હતું કે ભારતમાં ભ્રષ્ટાચારમાં સંડોવાયેલા શક્તિશાળી લોકોનો પર્દાફાશ કરનારાઓને ડરાવવાનો આ પ્રયાસ છે.
હિંડનબર્ગ રિસર્ચએ જણાવ્યું હતું કે લગભગ 1.5 વર્ષની તપાસ પછી, સેબીને અદાણી જૂથ સામેની અમારી તપાસમાં કોઈ અનિયમિતતા મળી નથી. પરંતુ તેમ છતાં સેબીએ સ્કેન્ડલ શબ્દની અમારી પસંદગી પર પ્રશ્નો ઉઠાવ્યા હતા. સેબી અદાણી ગ્રૂપની સાથે ભ્રષ્ટાચારમાં સમાન રીતે સામેલ છે અને આવા જૂથો સાથે મળીને કામ કરે છે.
હિંડનબર્ગ રિસર્ચે કહ્યું કે સેબીએ અમારી સામે અસ્પષ્ટ આક્ષેપો કર્યા છે, સેબીએ કહ્યું છે કે અમે અમારા રિપોર્ટમાં ખોટા શબ્દોનો ઉપયોગ કરીને વાચકોને ગેરમાર્ગે દોરવાનો પ્રયાસ કર્યો છે. અમારું માનવું છે કે સેબીએ તેની જવાબદારીની અવગણના કરી છે, છેતરપિંડી સાથે સંકળાયેલા લોકો સામે પગલાં લેવાને બદલે તે તપાસકર્તાઓને ભીંસમાં મૂકી રહી છે.
સેબીએ અમારા પર અધિકારક્ષેત્રનો દાવો કરીને પોતાને ફસાવી દીધા છે. અમને જે નોટિસ મોકલવામાં આવી છે તેમાં તે પક્ષનું નામ લેવામાં આવ્યું નથી કે જેના પર અમારું સંશોધન કરવામાં આવ્યું હતું અને જે વાસ્તવમાં ભારત સાથે સંબંધ ધરાવે છે.
કોટક બેંક વિશે વાત કરીએ તો, તે ભારતની સૌથી મોટી બેંક સાથે બ્રોકરેજ ફર્મ છે. તેની સ્થાપના ઉદય કોટકે કરી હતી. તેણે અમારી તપાસમાં મહત્વની ભૂમિકા ભજવી છે. સેબીએ આ બેંકનું નામ નથી લીધું, નોટિસમાં કોટકને બદલે KMIL શબ્દનો ઉપયોગ કરવામાં આવ્યો છે.
Click it and Unblock the Notifications
Sign in with Google
