ચૂંટણી રિઝલ્ટ ભાજપની તરફેણમાં, કાલે શેરબજાર ઉઠશે કે ડૂબશે?

વિધાનસભા ચૂંટણી પરિણામોમાં ભાજપનો પરચમ લહેરાયો છે. 4 રાજ્યોના પરિણામમાં કોંગ્રેસના હાથ માત્ર એક જ રાજ્ય લાગ્યું છે જ્યારે ભાજપે 3 રાજ્યમાં જીત નોંધાવી લેવા તત્પર છે. ત્રણેય રાજ્યોમાં ભાજપને પૂર્ણ બહુમતી મળતી જણાઈ રહી છે. ત્રણેય રાજ્યમાં આગલા 5 વર્ષ સુધી એક જ સરકાર રહેશે. પાંચ રાજ્યોની વિધાનસભા ચૂંટણીને લોકસભા ચૂંટણી 2024 માટેની સેમીફાઈનલ માનવામાં આવી રહી હતી તો હવે ભાજપ માટે સ્થિતિ સારી જણાઈ રહી છે. રાજકારણની વાત પોતાની જગ્યાએ, પરંતુ શેરબજાર દેશમાં થનારા આવા પ્રકારના મોટા ઈવેન્ટ્સ પર પોતાનું રિએક્શન જરૂર આપે છે. એક્સપર્ટ્સ માની રહ્યા છે કે આગામી સમયમાં બજાર મજબૂત રહેશે. પરંતુ જો કાલે સોમવારની વાત કરીએ તો અહીં શું સંભાવનાઓ બને છે?

કાલે શેરબજાર ઉપર જઇ શકે છે, સ્થિર રહી શકે છે, કે પછી ગગળી શકે છે? સ્થિરતાના હિસાબે સંકેત મળે છે કે બજાર ગગળવું ના જોઈએ. પરંતુ સ્પષ્ટ પણે કહી ના શકાય કે શું થશે. જો ઈતિહાસ પર નજર ફેરવીએ તો માર્કેટે મિશ્રિત વલણ અપનાવ્યું છે. આજે અમે વાત કરીએ આ રાજ્યોમાં થયેલ પાછલા 4 ચૂંટણી બાદ બજારની સ્થિતિની.

2018માં શું થયું હતું

આ રાજ્યોમાં જ પાછલી વખતે 2018માં ચૂંટણી થઇ હતી. આ પાંચેય રાજ્યો (મધ્ય પ્રદશ, રાજસ્થાન, છત્તીસગઢ, તેલંગાણા અને મિઝોરમ)માં ચૂંટણી થઈ હતી. પરિણામ 11 ડિસેમ્બરે જાહેર થયું હતું. આ ચૂંટણીમાં કોંગ્રેસનું પ્રદર્શન ઘણું સારું રહ્યું હતું. કોંગ્રેસે છત્તીસગઢ, રાજસ્થાન અને મધ્ય પ્રદેશમાં બહુમતીથી સરકાર બનાવી હતી. તેલંગાણામાં બીઆરએસ તો મિઝોરમમાં મિઝોરમ નેશનલ ફ્રંટે સરકાર બનાવી હતી. એ ચૂંટણીને પણ લોકસભા 2019ની સેમીફાઈનલ માનવામાં આવી રહી હોવાથી ભાજપની હારથી સેંસેક્સમાં 500 અંકની ગિરાવટ આવી હતી. તે દિવસે અંત સુધી બજારે ગિરાવટ બાદ રિકવરી તો કરી લીધી હતી, સાથે જ લગભગ 190 પોઈન્ટ ઉછળી 35150 પર બંધ થયું હતું.

2013માં શું થયું

2013 સુધી તેલંગાણા નહોતું બન્યું. ત્યારે બાકીના ચારેય રાજ્યો સાથે દિલ્હીમાં ચૂંટણી થતી હતી. એ વર્ષે 8 ડિસેમ્બરે રિઝલ્ટ આવ્યું હતું. મિઝોરમમાં એક દિવસ બાદ 9 ડિસમ્બરે ગણતરી થઈ હતી. આ વખતે પણ એવું જ થનારું છે. પરિણામ આવ્યું અને ત્રણેય મોટાં રાજ્યો મધ્ય પ્રદેશ, રાજસ્થાન અને છત્તીસગઢમાં ભાજપની સરકાર બની, જ્યારે દિલ્હીમાં બહુમતી નહોતી મળી શકી. કોંગ્રેસ 15 વર્ષ બાદ સત્તાથી બહાર થઇ હતી. આગલા દિવસે 9 ડિસેમ્બરે સોમવાર હતો અને શેર બજારમાં જબરદસ્ત તેજી આવી. સેંસેક્સ 329.89 અંકના વધારા સાથે 21326.42 પર બંધ થયો હતો.

2008ની વિધાનસભા ચૂંટણી બાદ

આ ચૂંટણીને 2009ની સેમીફાઈનલ માનવામાં આવી હતી. ત્યારે દિલ્હી, રાજસ્થાન, છત્તીસગઢ, મધ્ય પ્રદેશ, મિઝોરમ અને જમ્મુ-કાશ્મીરમાં ચૂંટણી થઇ હતી. છત્તીસગઢ અને મધ્ય પ્રદેશમાં ભાજપની સરકાર રિપીટ થઇ હતી જ્યારે દિલ્હી અને મિઝોરમમાં કોંગ્રેસે વાપસી કરી હતી. રાજસ્થાનમાં પણ કોંગ્રેસના હકમાં પરિણામ આવ્યું હતું. ત્યારે મતની ગણતરી 8 ડિસેમ્બરે થઇ હતી અને દિવસ સોમવાર હતો. આ દિવસે ચૂંટણીની ગણતરીની સાથે જ શેર બજાર પણ ચાલી રહ્યું હતું. આ દિવસે સેંસેક્સે 2.20 ટકાની તેજી નોંધાવી હતી. સેંસેક્સ 197.42 ટકા ઉછળી 9162.62 પર બંધ થયું હતું. આની સાથે જ લોકસભા ચૂંટણીમાં કોંગ્રેસની આગેવાની વાળી યૂપીએ-2 સરકાર બની.

2003માં શેરબજાર કેવું રહ્યું

એ વર્ષે ભાજપે મધ્ય પ્રદેશ, રાજસ્થાન અને છત્તીસગઢ જીત્યાં હતાં. ત્રણેય રાજ્ય કોંગ્રેસના હાથમાંથી નીકળી ગયાં હતાં. જો કે કોંગ્રેસ દિલ્હી બચાવવામાં સફળ રહી હતી. પરિણામ ગુરુવારે આવ્યાં હતાં. આ દિવસે સેંસેક્સ 0.08 ટકા સાથે વધી 5225.90 પર બંધ થયું હતું. જો કે તેના આગલા 2 દિવસ સુધી માર્કેટ રેડ સિગ્નલમાં રહ્યું હતું અને સેંસેક્સમાં તગડી રૈલી જોવા મળી હતી.

કાલે શું સંભાવના છે?

શેર માર્કેટમાં કાલે શું થશે તેની સટીક ભવિષ્યવાણી કોઈ કરી ના શકે. બહુમતી સાથે બની રહેલ રાજ્ય સરકારોની સ્થિતિ જોઈએ તો બજાર ઉછાળા સાથે ખુલવું જોઈએ. અહીં શેરબજારની બીજી રમત આવે છે, જ્યાં ઓપરેટરો તેમની ચાલ બનાવે છે. આ વિજય પછી, તમામ નાના રોકાણકારોને લાગે છે કે બજારમાં ઉછાળો આવશે, અને તેઓ બધા હકારાત્મક બાજુ પર વેપાર કરીને નાણાં કમાવવાનો પ્રયાસ કરશે. પરંતુ નાના રોકાણકારોને બાકાત રાખવા માટે, ઓપરેટરો અથવા મોટા ખેલાડીઓ બજારની સામાન્ય ધારણાની વિરુદ્ધ જઈ શકે છે અથવા બજાર ઘટી શકે છે. એ ફરી નોંધવું જોઈએ કે નિષ્ણાતો આને લાંબા ગાળા માટે સારો સંકેત ગણાવી રહ્યા છે.

English summary

how share market will react on monday after bjp's huge victory