ઓનલાઇન સુવિધાનો ઉપયોગ કરી ચેક પેમેન્ટ આવી રીતે અટકાવો

Published: Tuesday, November 25, 2014, 15:44 [IST]

ખોવાઇ ગયેલા ચેકના કિસ્સામાં સ્ટોપ પેમેન્ટની સુવિધા ચેકના દુરુપયોગ કે છેતરપિંડી થતા અટકાવે છે. જો કે સ્ટોપ પેમેન્ટની અરજી કરતા પહેલા આપે એક બાબત ખાસ ચકાસી લેવી જોઇએ કે ચેક ક્લિયરિંગ માટે આવી ચૂક્યો નથીને?

જો સ્ટોપ પેમેન્ટની અરજી કરવામાં આવે એ પહેલા જ ચેક ક્લિયરિંગ માટે મૂકવામાં આવે તો બેંક આપના ચેકનું પેમેન્ટ અટકાવવાનો અધિકાર ધરાવતી નથી.

આ સેવા પ્રદાન કરવા માટે બેંક દ્વારા ચાર્જ પણ વસૂલ કરવામાં આવે છે. બેંકો પ્રમાણે આ ચાર્જીસ અલગ અલગ હોય છે. તેનો ચાર્જ કેટલો હશે તેનો આધાર આપ કેટલા ચેકનું સ્ટોપ પેમેન્ટ કરાવો છો તેના પર પણ રહેલો છે.

સ્ટોપ પેમેન્ટની પ્રક્રિયા શું છે?
અહીં એસબીઆઇ બેંકનું ઉદાહરણ આપીને સમગ્ર પ્રક્રિયા સમજાવવામાં આવી છે.
1. બેંકની વેબસાઇટ onlinesbi.com ની મુલાકાત લો.
2. પર્સનલ બેંકિંગમાં લોગિન થાવ (યુઝરનેમ અને પાસવર્ડ સાથે)
3. હોમ પેજમાં ઇ સર્વિસીસ ટેબ ક્લિક કરો.
4. નીચે જતા આપને સ્ટોપ પેમેન્ટનો ઓપ્શન જોવા મળશે તે ક્લિક કરો
5. ચેક નંબર, તારીખ, જેને આપ્યો તેનું નામ વગેરે વિગતો ભરો
6. ટર્મ્સ એન્ડ કન્ડિશન્સના આઇકોન પર ટિક કરો
7. સબમિટ ક્લિક કરો

Published On November 25, 2014