જીયોને ટક્કર આપવા, Idea-Vodafone થયા એક

પાછલા લાંબા સમયથી વોડોફોન અને આઇડીયાના વિલીનીકરણની વાતો થઇ રહી હતી. પણ હવે જાહેરાત થતા શેરબજારમાં આઇડીયાના શેયરમાં મોટી તેજી જોવા મળી છે.

Updated: Monday, March 20, 2017, 17:07 [IST]

બ્રિટિશ મોબાઇલ સર્વિસ કંપની વોડાફોન અને ભારતીય મોબાઇલ સર્વિસ કંપની આઇડિયા સેલ્યુલરના વિલિનીકરણની જાહેરાત કરવામાં આવી છે. આ સાથે જ તે હવે સંયુક્ત રૂપે ભારતની સૌથી મોટી દૂરસંચાર ઓપરેટર કંપની બની ગઇ છે. આ વિલીનીકરણ પછી કંપનીના કુલ સબસ્ક્રાઇબરની સંખ્યા 39 કરોડની આસપાસ પહોંચી ગઇ છે. નોંધનીય છે કે પાછલા લાંબા સમયથી વોડાફોન અને આઇડિયાના વિલીનીકરણની વાત ચાલતી હતી.

ત્યારે આ વિલય બાદ વોડાફોન પાસે કંપનીના ખાલી 45 ટકા જ ભાગેદારી રહેશે. તો બીજી બાજુ આઇડિયા પાસે 26 ટકા શેયર રહેશે. ત્યારે ટેલિકોમ ક્ષેત્રની આ સૌથી મોટી ડિલ પાછળ જીયો જેવી કંપનીને ટક્કર આપવાની રણનીતિએ પણ મહત્વપૂર્ણ ભાગ ભજવ્યો છે તેવું સુત્રોનું કહેવું છે. જો કે આ જોડાણ બાદ કંપનીનાઅધિકારીઓએ જણાવ્યું હતું કે તે તેમના ગ્રાહકોને શ્રેષ્ઠ સેવા આપવા માંગે છે. સાથે જ તેમણે જણાવ્યું કે આવનારા સમયમાં બન્ને કંપનીના શેયર બરાબર થઇ જશે. જો કે આ સમાચાર બાદ આઇડિયાના શેયર ખરીદી શેરબજારમાં વધી છે.