IMFએ ભારતના વૃધ્ધિ દરની ધારણા ઘટાડી 4.9 ટકા કરી

નવી દિલ્હી, 9 ઑક્ટોબર : આંતરરાષ્ટ્રીય મુદ્રા કોષ (આઇએમએફ)એ મંગળવાર, 9 ઑક્ટોબર, 2012ના રોજ ભારતનો આર્થિક વૃધ્ધિદર 2012માં ઘટશે એવી ધારણા વ્યક્ત કરી છે. આ વર્ષે વૃધ્ધિદર 4.9 ટકા રહી શકે છે.

આ અંગે આઇએમએફ દ્વારા જણાવવામાં આવ્યું છે કે જો અમેરિકાએ પોતાની રાજકોષીય ખાધને નિયંત્રિક ના કરી અને યુરોઝોન સંકટ વધશે તો એશિયામાં પણ તેની અસર પડશે.

આઇએમએફ અને વર્લ્ડ બેંક વચ્ચે વર્ષ 2012ની વાર્ષિક બેઠક યોજાય એ પહેલા આઇએમએફ દ્વારા ટોકિયોમાં જાહેર કરવામાં આવેલા વર્લ્ડ ઇકોનોમિક આઉટલુકમાં તેણે જણાવ્યું છે કે વિકાસશીલ અર્થતંત્રો આ વર્ષે અંદાજે 1.3 ટકાનો વૃધ્ધિદર પ્રાપ્ત કરશે. જ્યારે વર્ષ 2010માં આ દર ત્રણ ટકાનો અને વર્ષ 2011માં આ દર 1.6 ટકા નો હતો.

વિકાસશીલ એશિયામાં વાસ્તવિક જીડીપી વિકાસદર વર્ષ 2012માં સરેરાશ 6.7 ટકા રહેશે અને વર્ષના બીજા ભાગમાં તે 7.25 ટકાના દરે વૃધ્ધિ પામે તેવી ધારણા છે. આમાં મુખ્ય ભૂમિકા ચીનની રહેશે. અહીં પબ્લિક સેક્ટરના પ્રોજેક્ટ્સમાં તેજી આવી શકે તેવી સંભાવના છે.

English summary

IMF cuts India's growth forecast to 4.9 percent.