Jio યુઝર્સ માટે ડબલ ધમાકા, હેપ્પી ન્યૂ યર 2018 પ્લાન

રિલાયન્સ જીયો દ્વારા નવા વર્ષની શરૂઆત પહેલા તેના ગ્રાહકો માટે ખાસ બે નવી ઇન્ટરનેટ અને મોબાઇલ સેવા બહાર પાડવામાં આવી છે. જાણો આ અંગે વધુ અહીં.

દૂરસંચાર કંપની રિલાયન્સ જીયોએ તેના પ્રીપેડ ગ્રાહકોને નવા વર્ષની ખાસ ગ્રીફ્ટ આપી છે. કંપનીએ આ માટે જીયો હેપ્પી ન્યૂયર ઓફર નામે કેટલીક ઓફર બહાર પાડી છે. આ ઓફરમાં તમને બે રિચાર્જ આપવામાં આવ્યા છે. હવે જીયો યૂઝર્સને ખાલ 199 રૂપિયામાં રોજના 1.2 GB ડેટા મળશે. આમ કુલ 33.6 GB ડેટા મળવાની સાથે જ અનલિમિટેડ કોલિંગ અને મેસેજની સુવિધા પણ મફત મળશે. આ પ્લાનની સમયસીમા 28 દિવસ સુધી રહેશે. કંપનીના બીજા પ્લાનમાં યુઝર્સને રોજના 2 GB ડેટા મળશે. અને સાથે જ અનલમિટેડ કોલિંગ અને મેસેજની સુવિધા મળશે. બંન્ને પ્લાનની સમય સીમા 28 દિવસની જ છે. જો કે તેના ભાવ અલગ અલગ છે.

બંન્ને પ્લાનની રોજની ઇન્ટરનેટની લિમિટ પૂર્ણ થઇ ગયા પછી ઇન્ટરનેટ તો અનલિમિટેડ રીતે ચાલતું રહેશે પણ તેની સ્પીડ ઓછી થઇને 128 kbps થઇ જશે. આ પ્લાનનો ફાયદો જીયોના પ્રાઇમ સબસ્ક્રાઇબર જ ઉઠાવી શકશે. કંપનીની તરફથી જાહેર નિવેદનમાં કહ્યું છે કે આ માસિક પ્લાનમાં પહેલા કરતા વધુ ડેટાનો લાભ આપવામાં આવી રહ્યો છે. રિલાયન્સ જીયાના અન્ય પ્લાન 399 રૂપિયા અને 459 રૂપિયા, તથા 499 અને 509 રૂપિયામાં પણ ઉપલબ્ધ છે. જેની સમય સીમા અલગ અલગ છે. જીયોના કહેવા મુજબ શનિવારથી લોકો આ નવા પ્લાનનો લાભ ઉઠાવી શકશે.

English summary

Justifying its disruptor tag, Reliance Jio has come up with two new plans under its Happy New Year 2018 scheme. Jio has launched two plans: one for Rs 199 and other for Rs 299.