LPG Price: કૉમર્શિયલ સિલિન્ડર થયુ 100 રુપિયા સસ્તુ, જાણો નવા રેટ

Updated: Tuesday, August 1, 2023, 14:44 [IST]

LPG Cylinder Price Reduced: ઓગસ્ટના પહેલા દિવસે દેશની સરકારી પેટ્રોલિયમ કંપનીઓએ એલપીજીના ભાવમાં ઘટાડો કર્યો છે. ઓઈલ કંપનીઓએ કૉમર્શિયલ એલપીજી સિલિન્ડરની કિંમતમાં 100 રૂપિયા સુધીનો ઘટાડો કર્યો છે. જોકે, ઘરેલુ એલપીજી સિલિન્ડર પર કોઈ રાહત નથી.

કૉમર્શિયલ 19 કિલોના સિલિન્ડરની કિંમતમાં 100 રૂપિયાનો મોટો ઘટાડો જાહેર કરવામાં આવ્યો છે. આજથી કૉમર્શિયલ ગેસ સિલિન્ડરની કિંમત 1680 રૂપિયા થઈ ગઈ છે.

ન્યૂઝ એજન્સી એએનઆઈના જણાવ્યા અનુસાર, ઓઇલ માર્કેટિંગ કંપનીઓએ કૉમર્શિયલ LPG ગેસ સિલિન્ડરની કિંમતોમાં ઘટાડો કર્યો છે. આજથી 19 કિલોના કૉમર્શિયલ એલપીજી ગેસ સિલિન્ડરની કિંમતમાં 99.75 રૂપિયાનો ઘટાડો કરવામાં આવ્યો છે. દિલ્હીમાં કોમર્શિયલ એલપીજી સિલિન્ડરની છૂટક વેચાણ કિંમત આજથી 1680 રૂપિયા છે. સ્થાનિક એલપીજીના ભાવમાં કોઈ ફેરફાર થયો નથી.

અન્ય શહેરોની વાત કરીએ તો કોલકાત્તામાં કૉમર્શિયલ એલપીજી સિલિન્ડરની કિંમત હવે 1895.50 રૂપિયાથી ઘટીને 1802.50 રૂપિયા થઈ ગઈ છે. મુંબઈમાં 1733.50 રુપિયાથી ઘટીને 1649.50 રૂપિયા થઈ ગઈ છે. ચેન્નાઈમાં 1945.00 રુપિયાથી ઘટીને રૂ. 1852.50 થઈ ગઈ છે.

Oil marketing companies have reduced the prices of commercial LPG gas cylinders. The rate of 19 KG commercial LPG gas cylinders has been slashed by Rs 99.75 with effect from today. Delhi retail sales price of 19kg commercial LPG cylinder is Rs 1,680 from today: Sources

No change…
— ANI (@ANI) August 1, 2023