Click it and Unblock the Notifications
Just In
-
-
-
-
Don't Miss
-
Free Fire Max OB44 Update થઈ લાઈવ, મળશે આ નવા ફીચર્સ અને રિવોર્ડ્સ -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
LPG Price: એલપીજીના ભાવમાં બજેટ પહેલા થયો મોટો ઘટાડો, જાણો શું છે લેટેસ્ટ રેટ
ફેબ્રુઆરી મહિનાના પહેલા જ દિવસે સામાન્ય જનતા માટે રાહતના સમાચાર આવ્યા છે. જાણો શું?
નવી દિલ્લીઃ ફેબ્રુઆરી મહિનાના પહેલા જ દિવસે સામાન્ય જનતા માટે રાહતના સમાચાર આવ્યા છે. જે મુજબ કૉમર્શિયલ ગેસ સિલિન્ડરના ભાવમાં 91.5 રૂપિયાનો ઘટાડો કરવામાં આવ્યો છે. જો કે, રાંધણ ગેસની કિંમતમાં કોઈ ફેરફાર કરવામાં આવ્યો નથી.
ભારતીય ઑઈલ માર્કેટીંગ કંપનીઓ(OMC)એ ફેબ્રુઆરી મહિના માટે રાંધણ ગેસના ભાવ જાહેર કરી દીધા છે. જે મુજબ સબસિડી વિનાના સિલિન્ડરની કિંમતમાં કોઈ ફેરફાર કરવામાં આવ્યો નથી એટલે કે દિલ્લીમાં રાંધણ ગેસની કિંમત કોઈ ફેરફાર વિના 899.5 રૂપિયા પર છે. વળી, ઓઈલ કંપનીઓએ કૉમર્શિયલ ગેસની કિંમતોમાં ઘટાડો કર્યો છે. ઈન્ડિયન ઑઈલ(IOC)એ 19 કિલોગ્રામ કૉમર્શિયલ ગેસ સિલિન્ડરના ભાવાં 91.5 રૂપિયાનો ઘટાડો કર્યો છે ત્યારબાદ નવી દિલ્લીમાં 19 કિલોગ્રામવાળા ગેસ સિલિન્ડની કિંમત 1907 રૂપિયા થઈ ગઈ.
તમને જણાવી દઈએ કે જાન્યુઆરી, 2022 મહિનામાં પણ એલપીજી ગેસ સિલિન્ડની કિંમતમાં 102.50 રૂપિયોનો ઘટાડો કરવામાં આવ્યો હતો. આ ક્રમમાં ફેબ્રુઆરીના પહેલા દિવસે બજેટ રજૂ થતા પહેલા જ ગેસ સિલિન્ડની કિંમતમાં ઘટાડો થયો છે. જો કે 14 કિલોગ્રામવાળા ગેસ સિલિન્ડના ભાવાં કોઈ ફેરફાર થયો નથી. ઉલ્લેખનીય છે કે દર મહિનાની પહેલી તારીખે રાંધણ ગેસ સિલિન્ડરના ભાવમાં ફેરફાર થયા છે. જો કે, જરુર પડવા પર ઑઈલ કંપનીઓ મહિનાની વચમાં પણ ફેરફાર કરતી હોય છે.
કૉમર્શિયલ ગેસ સિલિન્ડની કિંમતની વાત કરીએ તો દિલ્લીમાં 19 કિલોગ્રામ કૉમર્શિયલ ગેસની કિંમત 91.5 રૂપિયા ઘટાડીને 1907 રૂપિયા થઈ ગઈ છે. કોલત્તામાં કૉમર્શિયલ ગેસ સિલિન્ડરનો ભાવ 89 રૂપિયા ઘટાડીને 1987 રુપિયા કરવામાં આવ્યો છે. મુંબઈમાં કૉમર્શિયલ ગેસની કિંમત 1856 રૂપિયા થઈ ગઈ છે જે પહેલા 1948.5 રૂપિયા હતી. ચેન્નઈમાં 19 કિલોગ્રામ કૉમર્શિયલ ગેસ સિલિન્ડરનો ભાવ 2080.5 રૂપિયા થઈ ગયો.
આ રીતે ચેક કરો પોતાના શહેરમાં એલપીજીના ભાવ
જો તમે કોઈ પણ શહેરમાં ગેસ સિલિન્ડની કિંમત જાણવા માંગતા હોય તો સરકારી ઓઈલ કંપનીની અધિકૃત વેબસાઈટ પર જઈને ચેક કરી શકો છો. આના માટે તમારે આઈઓસીએલ(IOCL)ની વેબસાઈટ cx.indianoil.in/webcenter/portal/Customer/pages_productprice પર જાવ. ત્યારબાદ વેબસાઈટ પર રાજ્ય, જિલ્લો અને ડિસ્ટ્રીબ્યુટર સિલેક્ટ કરો અને પછી સર્ચ પર ક્લિક કરો. ત્યારબાદ ગેસ સિલિન્ડના ભાવ તમને જોવા મળી જશે.
