હવે, ATMનો ઉપયોગ કરવો બનશે મોંઘો!

નવી દિલ્હી, 7 ડિસેમ્બર: બેંગલુરુમાં મહિલા પર એટીએમની અંદર થયેલા ગંભીર હુમલા બાદ બેન્કોની ઉપર સુરક્ષામાં વધારો કરવાનું દબાણ વધી ગયું છે. માટે દેશની બેન્કોએ રિઝર્વ બેન્ક પાસે એટીએમના ઉપયોગ પર લેવામાં આવતી ફીસમાં વધારો કરવાની પરવાનગી માંગી છે.

ભારતીય રિઝર્વ બેન્કના આંકડાઓ અનુસાર 2013 સુધી દેશમાં કુલ 1,27,950 એટીએમ છે. તેમાંથી 50 ટકાથી વધારે એટીએમ એવા છે જેની સુરક્ષા ખાનગી કંપનીઓના ભરોસે છે. આ એટીએમમાંથી 40 ટકા એટીએમ પણ છે જેમાં સુરક્ષા માટે કોઇ ગાર્ડ નથી. એટલે કે દેશમાં લગભગ 25 હજાર એટીએમ એવા છે, જ્યાં કોઇ ગાર્ડ નથી.

જેના પગલે આરબીઆઇએ બેન્કોને જણાવ્યું છે કે તેમણે સુરક્ષાનો ખર્ચ ઉઠાવવા માટે ગ્રાહકો પાસેથી લેવામાં આવતી ફીસમાં વધારો કરવાની પરવાનગી આપવામાં આવે. સૂત્રો અનુસાર બેન્કોએ આરબીઆઇની સામે એ પ્રસ્તાવ રાખ્યો છે કે ગ્રાહકોને મળતી ફ્રી ટ્રાન્જેક્શનની મર્યાદાને પાંચથી ઘટાડીને ત્રણ કરી દેવામાં આવે. આ ઉપરાંત અન્ય ટ્રાન્જેક્શન પર પણ ફીસમાં વધારો કરવાની પરવાનગી મળે.

બેન્કો અનુસાર જો તેમને ગાર્ડ રાખવાની અનિવાર્યતા અને એટીએમની બહાર સીસીટીવી કેમેરા જેવી સુવિધાઓ આપવાની છે, તો તેમાં ખર્ચ પણ વધશે. જેના પગલે ગ્રાહકોના ટ્રાન્જેક્શન પર લેવામાં આવતી ફીમાં વધારો કરવામાં આવશે. એટીએમ ટ્રાન્જેક્શનની ફીમાં વધારાનો અંતિમ નિર્ણય ભારતીય રિઝર્વ બેન્કે કરવાનો છે.

English summary

Now, ATM uses will be costly if RBI give permission.