2 હજારની નોટ બદલવા માટે બચ્યો માત્ર 1 મહીનો, 16 દિવસ બેંક રહેશે બંધ, જલ્દી કરીલો આ કામ

રિઝર્વ બેંક ઓફ ઈન્ડિયાએ 19 મે 2023ના રોજ બે હજારની નોટો ચલણમાંથી બહાર કાઢી હતી અને એ પણ કહ્યું હતું કે આ નોટો કાનૂની ટેન્ડર રહેશે. 2000 રૂપિયાની નોટ બદલવા માટે આજથી એક મહિનો બાકી છે.

આરબીઆઈએ લોકોને પ્રક્રિયા પૂર્ણ કરવા માટે પૂરતો સમય મળે તેની ખાતરી કરવા માટે ચાર મહિનાનો સમયગાળો આપ્યો હતો. ચલણમાંથી બહાર કરવામાં આવેલી રૂ. 2000ની નોટ 30 સપ્ટેમ્બર, 2023 સુધી બદલી શકાશે.

RBI અનુસાર વ્યક્તિ કોઈપણ ફોર્મ કે ડિમાન્ડ સ્લિપ ભર્યા વિના એક સમયે 20,000 રૂપિયા સુધીની નોટો બદલી શકે છે. સપ્ટેમ્બર મહિનો 2000 રૂપિયાની નોટ બદલવાનો છેલ્લો મહિનો છે.

આરબીઆઈની રજાઓની યાદી અનુસાર સપ્ટેમ્બર મહિનામાં ઘણી બેંક રજાઓ છે. જેમણે હજુ સુધી રૂ. 2000ની નોટ જમા કરાવી નથી તેઓએ પોતપોતાના રાજ્યોમાં બેંકની રજાઓને ધ્યાનમાં રાખીને બેંકમાં જઈને બાકીની નોટો બદલી લેવી જોઈએ.

રિઝર્વ બેંક ઓફ ઈન્ડિયાની રજાઓની યાદી અનુસાર સપ્ટેમ્બરમાં ભારતના વિવિધ રાજ્યોમાં રવિવાર, બીજો શનિવાર અને ચોથો શનિવાર સહિત 16 બેંક રજાઓ રહેશે. તો જેમની પાસે હજુ 2000ની નોટો બાકી છે. તેણે શક્ય તેટલી વહેલી તકે નજીકની બેંક શાખામાં જઈને તેની નોટો બદલી લેવી જોઈએ.

સપ્ટેમ્બર 2023 માટે રાજ્ય મુજબની બેંક રજાઓની યાદી:

• 6 સપ્ટેમ્બર 2023: શ્રી કૃષ્ણ જન્માષ્ટમી - ઓરિસ્સા, તમિલનાડુ, આંધ્ર પ્રદેશ, બિહારમાં બેંકો બંધ છે.
• 7 સપ્ટેમ્બર, 2023: જન્માષ્ટમી (શ્રાવણ VD-8) અને શ્રી કૃષ્ણ અષ્ટમી: ગુજરાત, મધ્ય પ્રદેશ, ચંદીગઢ, સિક્કિમ, રાજસ્થાન, જમ્મુ, બિહાર, છત્તીસગઢ અને ઝારખંડ, મેઘાલય, હિમાચલ પ્રદેશ અને શ્રીનગરમાં બેંકો બંધ.
• 18 સપ્ટેમ્બર, 2023: વારસિદ્ધિ વિનાયક વ્રત અને વિનાયક ચતુર્થી: કર્ણાટક અને તેલંગાણામાં બેંકો બંધ છે.
• સપ્ટેમ્બર 19, 2023: ગણેશ ચતુર્થી - ગુજરાત, મહારાષ્ટ્ર, ઓડિશા, તમિલનાડુ અને ગોવામાં બેંકો બંધ છે.
• 20 સપ્ટેમ્બર, 2023: ગણેશ ચતુર્થી (બીજો દિવસ) અને નુઆખાઈ: ઓરિસ્સા અને ગોવામાં બેંકો બંધ છે.
• 22 સપ્ટેમ્બર, 2023: શ્રી નારાયણ ગુરુ સમાધિ દિવસ - કેરળમાં બેંકો બંધ છે.
• 23 સપ્ટેમ્બર, 2023: ચોથો શનિવાર અને મહારાજા હરિ સિંહનો જન્મદિવસ - જમ્મુ અને શ્રીનગરમાં બેંકો બંધ છે.
• 25 સપ્ટેમ્બર 2023: શ્રીમંત શંકરદેવની જન્મજયંતિ - આસામમાં બેંકો બંધ છે.
• સપ્ટેમ્બર 27, 2023: મિલાદ-એ-શરીફ (પ્રોફેટ મોહમ્મદનો જન્મદિવસ) - જમ્મુ અને કેરળમાં બેંકો બંધ.
• સપ્ટેમ્બર 28, 2023: ઈદ-એ-મિલાદ અથવા ઈદ-એ-મિલાદુન્નબી (પયગમ્બર મોહમ્મદનો જન્મદિવસ) - ગુજરાત, મિઝોરમ, મહારાષ્ટ્ર, કર્ણાટક, તમિલનાડુ, ઉત્તરાખંડ, તેલંગાણા, છત્તીસગઢ, ઝારખંડ, મણિપુર, ઉત્તર પ્રદેશ, નવી દિલ્હીમાં બેંકો બંધ.
• 29 સપ્ટેમ્બર, 2023: ઈદ-એ-મિલાદ-ઉલ-નબી પછી ઈન્દ્રજાત્રા અને શુક્રવાર- સિક્કિમ, જમ્મુ અને શ્રીનગરમાં બેંકો બંધ છે.

English summary

Only 1 month left to change 2000 note, bank will be closed for 16 days