ચિદમ્બરમના સંકેત, ડીઝલના ભાવમાં થશે વધારો

નવી દિલ્હી, 28 ફ્રેબ્રુઆરી: આજે ગુરુવારે નાણામંત્રી પી. ચિદમ્બરમે વર્ષ 2013 માટેનું સામાન્ય બજેટ રજૂ કર્યું હતું. સામાન્ય ચૂંટણી નજીક હોવાના પગલે નાણામંત્રીએ આ બજેટમાં દરેક વર્ગને આવરી લેવાનો પ્રયત્ન કર્યો છે. તેમણે મધ્યમવર્ગ પર કોઇ વધારાનો ટેક્સ લાદ્યો નથી. બજેટમાં ચિદમ્બરમે ઓછી આવક ધરાવનારને ટેક્સમાં રાહત આપી છે જ્યારે વધારે આવક ધરાવનાર પર ટેક્સ વધાર્યો છે.

બજેટ રજૂ કર્યા બાદ પી ચિદમ્બરમે પત્રકાર પરિષદ યોજી હતી. જેમાં નાણામંત્રીએ એવા સંકેત આપ્યા હતા કે બજેટમાં હજી વધુ સુધારા વધારાઓ થઇ શકે છે. તેમણે એવા સંકેતો પણ આપ્યા કે ડીઝલમાં આપવામાં આવતી સબસીડીમાં ઘટાડો થઇ શકે છે. જો ડીઝલની સબસીડીમાં ઘટાડાની જાહેરાત કરવામાં આવશે તો ડીઝલના ભાવમાં વધારો થશે.

ચિદમ્બરમે જણાવ્યું કે આ બજેટ થકી આર્થિક પડકારોનો સામનો કરી શકાશે. તેમજ 2013-14નું વર્ષ પાછલા નાણાકિય વર્ષ કરતા સારુ રહશે. તેમણે એવું પણ જણાવ્યું કે આ બજેટમાં મે એવી કોઇ ચોકાવનારી જાહેરાત કરી નથી.

નાણામંત્રીએ જણાવ્યું કે ભૂખ્યા માટે ભોજન એ ભગવાન સમાન હોય છે. તેમણે જણાવ્યું કે બજેટ પર ઉઠેલા તમામ સવાલોના જવાબ આપીશ. તેમણે જણાવ્યું કે રાજકોષીય ખોટને 5.2 પર રોકવામાં આવી છે.

English summary

P. Chidambaram hints to decrease subsidy in diesel after announced budget 2013.