પેટ્રોલ-ડીઝલના ભાવમાં ફરી વધારો, જાણો આજના રેટ

Published: Friday, May 21, 2021, 11:29 [IST]

બે દિવસની રાહત બાદ આજે ફરી પેટ્રોલ અને ડીઝલના ભાવમાં વધારો થયો છે. શુક્રવારે રાજધાની દિલ્હીમાં પેટ્રોલ 19 પૈસા જ્યારે ડીઝલ 29 પૈસા મોંઘું થયું છે. જ્યારે અમદાવાદમાં આજે પેટ્રોલ 19 પૈસા અને ડીઝલમાં 3ા પૈસાનો ભાવ વધારો નોંધાયો છે. આખા દેશમાં પેટ્રોલમાં 29થી 31 પૈસા અને ડીઝલના ભાવમાં 24થી 27 પૈસા સુધીનો ભાવ વધારો થયો છે.

મે મહિનામાં અત્યાર સુધી 11 વાર પેટ્રોલ-ડીઝલના ભાવ વધ્યા

મે મહિનામાં અત્યાર સુધી કુલ 11 વખત પેટ્રોલ અને ડીઝલ મોંઘા થયાં છે. સતત વધી રહેલા ભાવના કારણે માત્ર 11 જ દિવસમાં દિલ્હીમાં પેટ્રોલનો રેટ 2.64 રૂપિયા પ્રતિ લીટર વધી ચૂક્યો છે જ્યારે ડીઝલનો રેટ આ મહિને 3.07 રૂપિયા વધી ચૂક્યો છે. જણાવી દઈએ કે દરરોજ સવારે 6 વાગ્યે પેટ્રોલ અને ડીઝલના નવા રેટ જાહેર કરવામાં આવે છે.