નવા વર્ષે મળશે મોટી રાહત, પેટ્રોલ-ડીઝલની કિંમતમાં થશે 10 રૂપિયાનો ઘટાડો
petrol-diesel price: નવા વર્ષે મોદી સરકાર જનતાને મોંઘવારીના મારમાંથી મુક્તિ આપવા માટે મોટી ભેટ આપી શકે છે. મોદી સરકાર પેટ્રોલ અને ડીઝલની કિંમતમાં 10 રૂપિયા પ્રતિ લીટર સુધીનો ઘટાડો કરવાની યોજના બનાવી રહી છે.
સરકારી સુત્રોના જણાવ્યા અનુસાર ખનીજ તેલની કિંમતમાં ભારે ઘટાડો કરવાનો રોડમેપ બનાવવા માટે ગત દિવસોમાં પીએમઓ, નાણા વિભાગ અને પેટ્રોલિયમ વિભાગના ઉચ્ચ અધિકારીઓ વચ્ચે બેઠકમાં ચર્ચા થઇ છે.
આ બેઠકમાં પેટ્રોલ અને ડીઝલના ભાવ ઘટાડવાના વિવિધ ફોર્મ્યુલા અને વિકલ્પો પર વિસ્તૃત ચર્ચા કરવામાં આવી છે. પ્રાપ્ત માહિતી અનુસાર, પેટ્રોલ અને ડીઝલની કિંમતોમાં ઘટાડાનો બોજ સરકાર અને ખનીજ તેલ કંપનીઓ બંને સંયુક્ત રીતે ઉઠાવશે. ઉલ્લેખનીય છે કે, ગયા વર્ષે 22 મેથી પેટ્રોલ અને ડીઝલના ભાવમાં કોઈ ફેરફાર થયો નથી.
પેટ્રોલ અને ડીઝલના લેટેસ્ટ ભાવ - ઈન્ડિયન ઓઈલ કોર્પોરેશન (IOCL) અનુસાર, આજે દિલ્હીમાં પેટ્રોલનો ભાવ રૂપિયા 96.72 અને ડીઝલનો ભાવ રૂપિયા 89.62 પ્રતિ લીટર છે. આ સાથે આર્થિક રાજધાની મુંબઈમાં પેટ્રોલની કિંમત 106.31 રૂપિયા અને ડીઝલની કિંમત 94.27 રૂપિયા પ્રતિ લીટર છે. ચેન્નાઈની વાત કરીએ તો અહીં પેટ્રોલની કિંમત 102.63 રૂપિયા અને ડીઝલ 94.24 રૂપિયા પ્રતિ લીટર છે, જ્યારે કોલકાતામાં પેટ્રોલ 106.03 રૂપિયા અને ડીઝલ 106.03 રૂપિયા છે.
ક્રૂડ ઓઈલ મોંઘુ થયા બાદ ઓઈલ કંપનીઓ બમ્પર નફો કરી રહી છે. 2022માં ઓઈલ કંપનીઓને પેટ્રોલ પર 17 રૂપિયા પ્રતિ લીટર અને ડીઝલ પર પ્રતિ લીટર 35 રૂપિયા સુધીનું નુકસાન થઈ રહ્યું હતું, પરંતુ ક્રૂડની કિંમતમાં ઘટાડો થયા બાદ સ્થિતિ બદલાઈ ગઈ છે, અને તેલ કંપનીઓ પેટ્રોલ પર પ્રતિ લીટર 8 થી 10 રૂપિયા અને ડીઝલ પર 3 થી 4 રૂપિયા પ્રતિ લીટરનો નફો કરી રહી છે.
ક્રૂડ ઓઈલના ભાવમાં ઘટાડો - ક્રૂડ ઓઈલની કિંમત તેના 52 સપ્તાહના નીચલા સ્તરની આસપાસ છે. બેન્ચમાર્ક બ્રેન્ટ ક્રૂડ પ્રતિ બેરલ 76 ડોલર આસપાસ છે, અને WTI ક્રૂડ પ્રતિ બેરલ 71 ડોલર આસપાસ છે. આ અઠવાડિયે ક્રૂડ ઓઈલમાં ઘટાડો થવાનું મુખ્ય કારણ વૈશ્વિક સ્તરે ઓછી માંગ છે. આવી સ્થિતિમાં એવું માનવામાં આવે છે કે, કાચા તેલની કિંમત ભવિષ્યમાં પણ નીચી રહી શકે છે.
Click it and Unblock the Notifications
Sign in with Google
