PFની ઓનલાઇન સેવાનો આજથી પ્રારંભ
આજથી નાના પાયે આ ઓનલાઇન સેવા શરૂ કરવામાં આવી છે. આ નવી સેવાનું ઉદઘાટન કેન્દ્રીય શ્રમ પ્રધાન શિશરામ ઓલાના હસ્તે કરવામાં આવ્યું હતું. કર્મચારી ભવિષ્યનીધિ સંગઠન ઇપીએફઓનાં સુત્રોનાં જણાવ્યા મુજબ ઓનલાઇન આ યોજનાનો આવનારા 20 દિવસ દરમિયાન સંપૂર્ણ રીતે વિકાસ કરવામાં આવશે.
આગામી 20 દિવસોમાં ઓનલાઇન સુવિધા સંપૂર્ણ રીતે કાર્યરત કરવામાં આવશે. પરંતુ પ્રાથમિક તબક્કે આ યોજના આજથી શરૂ કરવામાં આવી છે. ઓનલાઇન પ્રક્રિયાનાં કારણે પીએફનાં ખાતા ધારકોને ધરેબેઠા તેમનાં ખાતામાંથી એન્ટ્રીનું જમા ઉધાર કરવાની સગવડ મળી છે. એટલું જ નહીં ઓનલાઇન સેવા શરૂ કરવાનાં કારણે ખાતાધારક સરળતાપૂર્વક તેમનાં ખાતાનું સ્ટેટસ પણ જાણી શકશે.
ઉલ્લેખનીય છે કે ઇપીએફઓએ પહેલા આ સેવા પહેલી જુલાઇએ શરૂ કરવાની જાહેરાત કરી હતી. ઇપીએફઓનાં અનુમાન મુજબ ચાલુ વર્ષે અંદાજે એક કરોડ વીસ લાખ પીએફની એન્ટ્રીઓ સંબંધી ઉપયોગ થવાની સંભાવના છે.
Click it and Unblock the Notifications
Sign in with Google
