Reliance Q4 Results : રિલાયન્સ ઇન્ડસ્ટ્રીઝે ચોથા ક્વાટરના આંકડા જાહેર કર્યા, ડિવિડન્ડની પણ જાહેરાત

Reliance Q4 Results : રિલાયન્સ ઇન્ડસ્ટ્રીઝ લિમિટેડે ભારતની અગ્રણી કંપનીઓમાંની એક છે. કંપનીએ તેના ચોથા ક્વાર્ટર (જાન્યુઆરી-માર્ચ 2025)ના નાણાકીય પરિણામો જાહેર કર્યા છે.

આ સમયગાળા દરમિયાન કંપનીએ 19,407 કરોડ રૂપિયાનો નેટ પ્રોફિટ હાંસલ કર્યો છે. ગયા વર્ષના સમાન ક્વાર્ટરમાં આ આંકડો 18,951 કરોડ રૂપિયા હતો. આ ઉપરાંત કંપનીએ શેરધારકો માટે ડિવિડન્ડની પણ જાહેરાત કરી છે.

ચોથા ક્વાર્ટરમાં રિલાયન્સની ઓપરેશનલ આવક 2,64,573 કરોડ રૂપિયા રહી, જે ગત વર્ષના 2,40,715 કરોડ રૂપિયાની સરખામણીએ નોંધપાત્ર વધારો દર્શાવે છે. કંપનીનું વાર્ષિક EBITDA 2.9% ના વધારા સાથે 1,83,422 કરોડ રૂપિયા પર પહોંચ્યું છે.

ત્રિમાસિક EBITDA 3.6% વધીને 48,737 કરોડ રૂપિયા રહ્યું. આ વૃદ્ધિમાં રિટેલ અને જિયો જેવા ગ્રાહક-કેન્દ્રિત વ્યવસાયોનું મોટું યોગદાન રહ્યું છે.

રિલાયન્સના મુખ્ય વ્યવસાયિક સેગમેન્ટની આવક

• ઓઇલ ટુ કેમિકલ્સ - 1,64,613 કરોડ રૂપિયા
• ઓઇલ અને ગેસ - 6,440 કરોડ રૂપિયા
• રિટેલ - 88,637 કરોડ રૂપિયા
• ડિજિટલ સેવાઓ (જિયો) - 40,861 કરોડ રૂપિયા

જિયો પ્લેટફોર્મે આ ક્વાર્ટરમાં 18.5%ના વધારા સાથે 17,016 કરોડ રૂપિયાનો EBITDA નોંધાવ્યો છે. જિયોનો નેટ પ્રોફિટ 25.7% વધીને 7,022 કરોડ રૂપિયા થયો. આ સમયગાળામાં 61 લાખ નવા ગ્રાહકો જોડાયા, જે ટેરિફ વધારા છતાં ગ્રાહકોની વફાદારી અને હોમ બ્રોડબેન્ડની વધતી માંગને દર્શાવે છે.

રિલાયન્સ રિટેલે 88,620 કરોડ રૂપિયાની આવક નોંધાવી, જે ગત વર્ષની સરખામણીએ 15.7% વધુ છે. રિટેલ સેગમેન્ટનો EBITDA 14.3% વધીને 6,711 કરોડ રૂપિયા રહ્યો, જેમાં 8.5%નું EBITDA માર્જિન છે.

કંપનીના બોર્ડે 31 માર્ચ 2025ના રોજ પૂર્ણ થયેલા નાણાકીય વર્ષ માટે 10 રૂપિયાના દરેક ઇક્વિટી શેર પર 5.50 રૂપિયાના ડિવિડન્ડની ભલામણ કરી છે.

આ પરિણામો રિલાયન્સની મજબૂત નાણાકીય સ્થિતિ અને વૈવિધ્યસભર વ્યવસાયિક રણનીતિનું પ્રતિબિંબ છે, જે રોકાણકારો અને ગ્રાહકો માટે સકારાત્મક સંકેત આપે છે.

English summary

Reliance Q4 Results 2025: Financial Performance and Dividend Announcement