Rule Change From 1st May: આજથી બદલાઇ ગયા આ નિયમ, તમારા ખીસ્સા પર થશે સીધી અસર

Rule Change From 1st May: નવો મહીનો શરૂ થવાની સાથે ઘણા બદલાવ થાય છે. ઘણા નાણાકીય નિયમો સાથે ઘણી વસ્તુઓની કિંમતમાં પણ ફેરફાર કરવામાં આવે છે. આ ફેરફારથી સામાન્ય જનતા પર સીધી અસર પડે છે.

આજથી મે મહિનો શરૂ થયો છે. આજથી ઘણા નિયમો બદલાયા છે. આ નિયમોની અસર સામાન્ય જનતાના ખિસ્સા પર પડશે. ઉલ્લેખનીય છે કે, આજથી એલપીજી સિલિન્ડરની કિંમતો સાથે બચત ખાતા સંબંધિત ઘણા નિયમો બદલાઈ ગયા છે. આ આ અહેવાલમાં આપણે જાણીશું કે, 1 મે, 2024થી કયા નાણાકીય નિયમો બદલાયા છે.

એલપીજી સિલિન્ડરની કિંમત - દર મહિનાની પહેલી તારીખે ઓઈલ માર્કેટિંગ કંપનીઓ એલપીજી સિલિન્ડરના ભાવ અપડેટ કરે છે. આજે પણ તેમના નવા ભાવ જાહેર કરવામાં આવ્યા છે.

ઓઈલ કંપનીઓએ કોમર્શિયલ સિલિન્ડરના ભાવમાં ઘટાડો કર્યો છે. આ વખતે સિલિન્ડરની કિંમતમાં 19 રૂપિયાનો ઘટાડો કરવામાં આવ્યો છે. આ કાપ સતત બીજા મહિને થયો છે. જોકે, ઘરેલુ સિલિન્ડરની કિંમતોમાં કોઈ ફેરફાર થયો નથી.

ચૂંટણીના માહોલ વચ્ચે સિલિન્ડરમાં ઘટાડાથી સામાન્ય જનતાને રાહત મળી છે. માનવામાં આવી રહ્યું છે કે, આ ઘટાડા બાદ બહારના ખાદ્યપદાર્થોના ભાવ પણ નીચે આવી શકે છે.

HDFC બેંક FD - દેશની સૌથી મોટી બેંક HDFC બેંકે સિનિયર સિટીઝન કેર FDમાં રોકાણની સમયમર્યાદા લંબાવી છે. હવે તેમાં 10 મે 2024 સુધી રોકાણ કરી શકાય છે. વરિષ્ઠ નાગરિકોને આ FDમાં વધારાના વ્યાજનો લાભ મળે છે.

બચત ખાતાના નિયમો - જો તમારું બચત ખાતું ICICI બેંક અને યસ બેંકમાં છે, તો આજથી આ બેંકોના નિયમોમાં ફેરફાર કરવામાં આવ્યો છે. ICICI બેંકે ચેકબુક, IMPS ટ્રાન્ઝેક્શન, સ્ટોપ પેમેન્ટ ચાર્જીસમાં સુધારો કર્યો છે. આવા સમયે, બેંકે ડેબિટ કાર્ડ પર વાર્ષિક ફી ઘટાડીને શહેરી વિસ્તારો માટે 200 રૂપિયા અને ગ્રામીણ વિસ્તારો માટે 99 રૂપિયા કરી દીધી છે.

આવા સમયે, યસ બેંકે બચત ખાતામાં મિનિમમ એવરેજ બેલેન્સ ચાર્જમાં ફેરફાર કર્યો છે. હવે પ્રો મેક્સ સેવિંગ્સ એકાઉન્ટમાં ન્યૂનતમ એવરેજ બેલેન્સ 50,000 રૂપિયા છે અને મહત્તમ ચાર્જ 1,000 રૂપિયા છે. તેવી જ રીતે, પ્રો પ્લસ એકાઉન્ટમાં મિનિમમ એવરેજ બેલેન્સ 25,000 રૂપિયા છે. આ ખાતામાં મહત્તમ ચાર્જ 750 રૂપિયા છે.

આવી જ રીતે, અન્ય બચત ખાતાના મિનિમમ એવરેજ બેલેન્સમાં પણ ફેરફાર કરવામાં આવ્યો છે. તમે યસ બેંકની વેબસાઈટ પર જઈને ચેક કરી શકો છો.

ક્રેડીટ કાર્ડ - આજથી બેંક ક્રેડિટ કાર્ડ દ્વારા યુટિલિટી બિલ પેમેન્ટ પર વધારાનો 1 ટકા ચાર્જ કરશે. IDFC ફર્સ્ટ બેંકે એપ્રિલમાં જ જાહેરાત કરી હતી કે, તે ક્રેડિટ કાર્ડ પર યુટિલિટી બિલ પેમેન્ટ પર વધારાનો 1 ટકા વસૂલશે.

English summary

Rule Change From 1st May: This rule has changed from today, your pocket will be directly affected