Russia Ukraine crisis : સોના-ચાંદીના ભાવ પર મોટી અસર! જાણો ભાવ
રશિયા અને યુક્રેન વચ્ચે ચાલી રહેલા યુદ્ધે આખી દુનિયાને ચિંતામાં મૂકી દીધી છે. વૈશ્વિક બજાર પર પણ તેની મોટી અસર જોવા મળી રહી છે. રશિયા-યુક્રેન સંકટ વચ્ચે સોના-ચાંદીના ભાવમાં પણ સતત વધઘટ થઈ રહી છે.
Russia Ukraine crisis : રશિયા અને યુક્રેન વચ્ચે ચાલી રહેલા યુદ્ધે આખી દુનિયાને ચિંતામાં મૂકી દીધી છે. વૈશ્વિક બજાર પર પણ તેની મોટી અસર જોવા મળી રહી છે. રશિયા-યુક્રેન સંકટ વચ્ચે સોના-ચાંદીના ભાવમાં પણ સતત વધઘટ થઈ રહી છે. 25 ફેબ્રુઆરીના રોજ જ્યાં સોના અને ચાંદીના ભાવમાં એક વર્ષમાં સૌથી મોટો ઘટાડો જોવા મળ્યો હતો, ત્યાં બે દિવસ બાદ એટલે કે 28 ફેબ્રુઆરીના રોજ સોના અને ચાંદી બંનેના ભાવમાં વધારો થયો છે.
સોનાના ભાવમાં રૂપિયા 223નો ઉછાળો
ભારતીય બુલિયન માર્કેટે સપ્તાહના પ્રથમ દિવસે એટલે કે સોમવાર 28 ફેબ્રુઆરી 2022ના રોજ સોના અને ચાંદીના દરો જાહેર કર્યા છે. તે મુજબ સોના અને ચાંદીબંનેના ભાવમાં વધારો થયો છે.
સોનું મોંઘુ થઈ ગયું છે અને રૂપિયા 51 હજારની નજીક પહોંચી ગયું છે. તે જ સમયે, ચાંદીની કિંમત 65 હજાર રૂપિયાને પાર કરી ગઈ છે.
1 કિલો ચાંદીની કિંમત 65,354 રૂપિયા છે
આ અંતર્ગત 999 શુદ્ધતાના 10 ગ્રામ સોનાની કિંમત હવે 223 રૂપિયા વધીને 50,890 રૂપિયા થઈ ગઈ છે. જ્યારે છેલ્લા ટ્રેડિંગ દિવસમાં સોનાનો ભાવ 50,667 રૂપિયાપ્રતિ 10 ગ્રામ હતો. તેવી જ રીતે 999 શુદ્ધતાની 1 કિલો ચાંદી 180 રૂપિયા મોંઘી થઈ છે.
સોમવારના રોજ 1 કિલો ચાંદીની કિંમત 65,354 રૂપિયા હતી, જ્યારે છેલ્લા સપ્તાહનાછેલ્લા ટ્રેડિંગ દિવસમાં 1 કિલો ચાંદી 65,174 રૂપિયા પ્રતિ કિલોના ભાવે વેચાઈ રહી હતી.
સોમવારના વીનતમ સોનાનો ભાવ
- 999 શુદ્ધતાના સોનાની કિંમત 50,890 (પ્રતિ 10 ગ્રામ) છે.
- 995 શુદ્ધતાના સોનાની કિંમત 50, 686 (પ્રતિ 10 ગ્રામ) છે.
- 916 શુદ્ધતા સોનાની કિંમત 46,615 (પ્રતિ 10 ગ્રામ)
- 750 શુદ્ધતાના સોનાની કિંમત 38,168 (પ્રતિ 10 ગ્રામ) છે.
- 585 શુદ્ધતાના સોનાની કિંમત 29,771 (પ્રતિ 10 ગ્રામ) છે.