શેરબજાર સામાન્ય વધારા સાથે ખૂલ્યું

મુંબઇ, 9 નવેમ્બર : આજે દિવસની શરૂઆતમાં બીએસઇનો બેન્ચમાર્ક સેન્સેક્સ 18 પોઇન્ટના વધારા સાથે ખૂલ્યો હતો. ગઇકાલે ફંડ અને છૂટક રોકાણકારોએ પ્રોફિટ બૂકિંગ કરતા સેન્સેક્સમાં ગાબડું પડ્યું હતું. જે આજે કન્ઝ્યુમર ડ્યુરેબલ્સ, પાવર અને હેલ્થકેર સેક્ટરના શેરોમાં લેવાલીને કારણે પોઝિટિવ ડિજિટમાં આવ્યો હતો.

આજે સેન્સેક્સનો 30 શેર્સનો બેરોમીટર ગઇકાલના 56 પોઇન્ટના નુકસાન બાદ 0.09 ટકા એટલે કે 18.29 પોઇન્ટ વધીને 18,864.55 પોઇન્ટ પર ટ્રેડ થઇ રહ્યો હતો. આ સેશનમાં ખાસ કરીને કન્ઝ્યુમર ડ્યુરેબલ્સ, પાવર અને હેલ્થકેર સેક્ટરના શેર્સમાં રિકવરી જોવા મળી હતી.

બીજી તરફ એનએસઇના બેંચમાર્ક નિફ્ટીમાં પણ 0.09 ટકાનો વધારો જોવા મળ્યો છે. આજે સવારે નિફ્ટી 5.50 પોઇન્ટ વધીને 5,744.25 પોઇન્ટ પર ટ્રેડ થઇ રહ્યો હતો. બ્રોકર્સનું માનવું છે કે માર્કેટમાં નવી ખરીદીને કારણે પાછલા સેશનમાં જોવા મળેલું નકારાત્મક વલણ દૂર થયું હતું.

English summary

Sensex marginally up in early trade.