શોર્ટ કવરિંગથી સેન્સેક્સમાં સકારાત્મક વલણ

મુંબઇ, 25 ઑક્ટોબર : આજે દિવસની શરૂઆતમાં બીએસઇનો બેન્ચમાર્ક સેન્સેક્સ 31 પોઇન્ટના વધારા સાથે ખૂલ્યો હતો. ડેરિવેટિવ્સ સેગમેન્ટમાં મંથલી એક્સપાયરિંગને પગલે શોર્ટ પોઝિશન પર કવર થતાં માર્કેટમાં સકારાત્મક વલણ જોવા મળ્યું હતું.

આજે સેન્સેક્સનો 30 શેર્સનો બેરોમીટર ગઇકાલના 83.42 પોઇન્ટના નુકસાન બાદ આજે 0.16 ટકા એટલે કે 31.51 પોઇન્ટ વધીને 18,741.53 પોઇન્ટ પર ટ્રેડ થઇ રહ્યો હતો. આ સેશનમાં ખાસ કરીને રિયલ્ટી, ઓઇલ, ગેસ અને મેટલના શેર્સમાં રિકવરી જોવા મળી હતી.

બીજી તરફ એનએસઇના બેંચમાર્ક નિફ્ટીમાં પણ 0.10 ટકાનો વધારો જોવા મળ્યો છે. આજે સવારે નિફ્ટી 6.05 પોઇન્ટ વધીને 5,697.45 પોઇન્ટ પર ટ્રેડ થઇ રહ્યો હતો. બ્રોકર્સનું માનવું છે કે માર્કેટમાં નવી ખરીદીને કારણે સકારાત્મક વલણ જોવા મળ્યું છે.

English summary

Sensex rises 31 points in early trade.