સુરતઃ મંગળવારે ડાયમંડ બુર્સમાં 135 હીરા વેપારીઓની ઑફિસ ખુલશે

મુંબઈથી સુરત આવતી 26 સહિત કુલ 135 ડાયમંડ કંપનીઓ સુરત ડાયમંડ બુર્સ(Surat Diamond Bourse)માં મંગળવારે ઑફિસ ખોલશે. આ સિવાય દશેરાના દિવસે પણ 983 ડાયમંડ મર્ચન્ટે સુરત ડાયમંડ બુર્સમાં પોતાની દુકાનો સ્થાપી હતી. સોમવારે સ્ટેટ બેંક ઑફ ઈન્ડિયાએ પણ બુર્સમાં પોતાની ઑફિસ ખોલી છે.

વેપારીઓને આશા છે કે SDB વડાપ્રધાન નરેન્દ્ર મોદીનો એક મહત્વપૂર્ણ પ્રોજેક્ટ હોવાથી 17 ડિસેમ્બરે તેઓ ઉદ્ઘાટન કરશે ત્યારથી તે સંપૂર્ણપણે કાર્યરત થઇ જશે અને તે પછી વેપારમાં તેજી આવશે.

"વર્તમાન મંદીના સમયગાળામાં, એકવાર ઑફિસો ખુલી જાય પછી બિઝનેસ આવવાનું શરૂ થઈ જશે. આનાથી હીરાના વ્યવસાયને પણ વેગ મળશે," SDB મીડિયા કન્વીનર દિનેશ નાવડિયાએ જણાવ્યું હતું.

ડાયમંડ ટ્રેડિંગ બિઝનેસને મુંબઈથી સુરત ખસેડવા અને વિસ્તરણ કરવાના ઉદ્દેશ્ય સાથે રૂ. 3,200 કરોડના ખર્ચે સ્થપાયેલ આ બુર્સ સુરતમાં 66 લાખ ચોરસ ફૂટના વિસ્તારમાં બનાવવામાં આવ્યું છે. દિલ્હી સ્થિત મોર્ફોજેનેસિસ, જેણે બોર્સની રચના કરી હતી, દાવો કરે છે કે તે વિશ્વની સૌથી મોટી ઓફિસ સ્પેસ - યુનાઇટેડ સ્ટેટ્સના પેન્ટાગોન કરતાં પણ મોટી છે.

સુરત ડાયમંડ બુર્સ ખાતે 300 ચોરસ ફૂટ વિસ્તારથી 75,000 ચોરસ ફૂટ સુધીની 4,200 ઓફિસો છે.

English summary

Surat: Offices of 135 diamond dealers ready to open in Surat Diamond bourse on Tuesday