Tata Group IPO : આવી રહ્યા છે ટાટા ગ્રુપના 5 નવા આઈપીઓ

ભારતનું અગ્રણી ટાટા ગ્રુપ તેના શેરધારકોને સારૂ વળતર આપવા માટે જાણીતું છે. હવે સમાચાર છે કે ટાટા ગ્રુપની 5 વિવિધ કંપનીઓના આઈપીઓ આવી રહ્યા છે.

તમે ટાટા ગ્રૂપના શેર્સમાં રસ ધરાવો છો તો આ તમારા માટે સારા સમાચાર છે. કે ટાટા ગ્રૂપના 5 આઈપીઓ આ વર્ષે લોન્ચ થવાની સંભાવના છે.

Tata Technologies એ Tata Group નું 19 વર્ષમાં પ્રથમ IPO લિસ્ટિંગ હતું. ગયા વર્ષે નવેમ્બરમાં તેને બ્લોકબસ્ટર ડેબ્યૂ કર્યું હતું. કંપનીએ એક જ દિવસમાં લગભગ 140% વળતર આપ્યું હતું અને 500ની ઇશ્યૂ કિંમત સામે 1,200 પર લિસ્ટિંગ કર્યું હતું.

અગાઉ 2004માં ટાટા ગ્રુપે TCSનો IPO લોન્ચ કર્યો હતો. ટાટા ગ્રૂપે તાજેતરમાં એક ટીઝર બહાર પાડ્યું છે, જેમાં કહેવામાં આવ્યું છે કે તે 2024 માં ભારતીય સ્ટોક એક્સચેન્જો પર પાંચ અનલિસ્ટેડ કંપનીઓને સૂચિબદ્ધ કરશે.

Tata Sons
ટાટા સન્સ એ ટાટા જૂથની નોન-બેંકિંગ નાણાકીય શાખા છે. ટાટા જૂથની નોન-બેંકિંગ ફાઇનાન્સ કંપનીને અપર લેયર NBFC તરીકે વર્ગીકૃત કરવામાં આવી છે અને તેણે ત્રણ વર્ષની અંદર જાહેરમાં આવવાનું સૂચન કર્યું છે.

આ કારણે ટાટા સન્સ સપ્ટેમ્બર 2025 સુધીમાં સ્ટોક એક્સચેન્જમાં લિસ્ટેડ થવાની છે. ભારતીય શેરબજારના ઈતિહાસમાં આ સંભવતઃ સૌથી મોટા આઈપીઓમાંથી એક હોઈ શકે છે.

Tata AutoComp
Tat ગ્રુપનો આગામી મોટો IPO Tata Autocomp Systems હોઈ શકે છે. કંપનીની સંપૂર્ણ માલિકી ટાટા જૂથની સંસ્થાઓની છે, જેમાં ટાટા સન્સનો અંદાજે 21% હિસ્સો છે અને બાકીનો હિસ્સો ટાટા ઇન્ડસ્ટ્રીઝ પાસે છે. ટાટા ઓટોકોમ્પ અન્ય સેગમેન્ટમાં આંતરિક પ્લાસ્ટિક અને કમ્પોઝીટ, બેટરી, EV પાવરટ્રેન્સ, EV બેટરી એનર્જી સ્ટોરેજ સિસ્ટમ્સ અને એન્જિન કૂલિંગ સિસ્ટમ્સનું ઉત્પાદન કરે છે. જો કે ટાટા ઓટોકોમ્પ નિયમિત IPO રૂટને બદલે ડાયરેક્ટ લિસ્ટિંગનો વિકલ્પ પસંદ કરી શકે છે.

Big Basket
બિગબાસ્કેટની વાત કરીએ તો તે તેનો IPO લોન્ચ કરી શકે છે, કંપની નફાકારક બનવાની આરે છે. કંપની એક ભારતીય ઓનલાઇન ગ્રોસરી સ્ટોર છે. જેનું મુખ્ય મથક બેંગ્લોરમાં છે અને તેની માલિકી Tata Digital પાસે છે. તે ભારતનો પ્રથમ ઓનલાઈન ગ્રોસરી શોપ છે. કંપની તેની ઑફલાઇન પહોંચને વિસ્તારવા માંગે છે અને તેનો કરિયાણાની ડિલિવરીનો વ્યવસાય નફાકારક બન્યો છે. કંપની 2025ની શરૂઆતમાં તેનો IPO લોન્ચ કરી શકે છે.

Tata Advanced Systems
Tata Advanced Systems એ એરક્રાફ્ટ-પાર્ટ્સ ઉત્પાદક છે અને યુરોપિયન એરક્રાફ્ટ ઉત્પાદક એરબસના A320neo એરક્રાફ્ટ માટે કાર્ગો અને બલ્ક કાર્ગો ડોરનું ઉત્પાદન કરે છે. ટાટા સન્સની સંપૂર્ણ માલિકીની પેટાકંપની, કંપની મુખ્યત્વે એરોસ્પેસ અને સંરક્ષણ ઉત્પાદન પર ધ્યાન કેન્દ્રિત કરે છે. 2007માં સ્થાપના થઈ ત્યારથી ટાટા એડવાન્સ્ડ સિસ્ટમ્સ ભારતમાં ઉત્પાદિત થનારી લશ્કરી એરક્રાફ્ટની પ્રથમ ખાનગી ઉત્પાદક બની છે. ટાટા એડવાન્સ સિસ્ટમ્સ માટે તેનો IPO લોન્ચ કરવા માટે 2024 યોગ્ય સમય હશે.

Tata Play
ટાટા પ્લે ડાયરેક્ટ-ટુ-હોમ બિઝનેસમાં અગ્રણી ખેલાડી છે. કંપની પહેલા ટાટા સ્કાય તરીકે જાણીતી હતી. નવેમ્બર 2022 માં ટાટા પ્લે ભારતીય બજાર નિયમનકાર સાથે તેના ડ્રાફ્ટ રેડ હેરિંગ પ્રોસ્પેક્ટસ ને ગોપનીય રીતે પ્રી-ફાઈલ કરનાર પ્રથમ કંપની બની. ટાટા સન્સ કંપનીમાં 41.5% હિસ્સો ધરાવે છે.

English summary

Tata Group IPO: 5 new IPOs of Tata Group are coming