Diwali 2024 : શેર માર્કટ મૂહુર્તના 1 કલાકમાં ચમકી ઉઠ્યુ, સવંત 2081ની ધમાકેદાર શરૂઆત
Diwali 2024: ભારતીય શેરબજારના હિંદુ કેલેન્ડર વર્ષ સંવત 2081ની શરૂઆત ખૂબ જ ધમાકેદાર રીત થઈ હતી. એક કલાકના મુહૂર્ત ટ્રેડિંગ સેશન દરમિયાન રોકાણકારો માટે સકારાત્મક શરૂઆતનો સંકેત આપતા બેન્ચમાર્ક સૂચકાંકો વધ્યા હતા.
દિવાળીના શુભ મુહૂર્તમાં સેન્સેક્સ અને નિફ્ટી બંનેમાં ઉછાળો નોંધાયો હતો, એટલે કે છેલ્લા બે દિવસમાં સતત ઘટાડા બાદ શેરબજારમાં અચાનક ઉછાળો જોવા મળ્યો હતો.
દિવાળીનો અવસર ભારતીય શેરો માટે સંવત 2081ના હિંદુ કેલેન્ડર વર્ષની તેજસ્વી શરૂઆત દર્શાવે છે. જો આપણે ડેટા પર નજર કરીએ તો, દિવાળીના દિવસે, શેરબજારનો સૂચકાંક સેન્સેક્સ 0.4 ટકા વધીને 79,688 પોઈન્ટ પર બંધ થયો હતો, જ્યારે નિફ્ટી 0.4 ટકા વધીને 24,300 પોઈન્ટ પર બંધ થયો હતો, જે બે દિવસના ઘટાડામાંથી રિકવર થયો હતો.
તમામ મુખ્ય સૂચકાંકો લીલા રંગમાં ખૂલ્યા હતા અને મુહૂર્તના ટ્રેડિંગ દરમિયાન ઊંચે આગળ વધવાનું ચાલુ રાખ્યું હતું, માત્ર નિફ્ટી આઈટી 0.02 ટકાના નજીવા નીચામાં બંધ થયું હતું.
મુહુર્તા ટ્રેડિંગ ટાઈમ સ્લોટમાં ઈક્વિટી, કોમોડિટી ડેરિવેટિવ્ઝ, કરન્સી ડેરિવેટિવ્ઝ, ઈક્વિટી ફ્યુચર્સ એન્ડ ઓપ્શન્સ અને સિક્યોરિટીઝ લેન્ડિંગ એન્ડ બોરોઈંગ (SLB) જેવા બહુવિધ સેગમેન્ટ્સમાં પણ ટ્રેડિંગ જોવા મળ્યા. BSE-NSEએ 20 ઓક્ટોબરે અલગ-અલગ પરિપત્રમાં આની જાહેરાત કરી હતી.
આવી સ્થિતિમાં શુક્રવારે સાંજે 7 વાગ્યે મુહૂર્ત ટ્રેડિંગ સેશન સમાપ્ત થયા બાદ BSE સેન્સેક્સ 335.06 પોઈન્ટના વધારા સાથે 79,724.12 પર બંધ થયો હતો. જ્યારે NSE નિફ્ટી 99 પોઈન્ટ વધીને 24,304.35 પર બંધ રહ્યો હતો. નિફ્ટી પર આઈટી સિવાયના તમામ સેક્ટોરલ ઈન્ડેક્સ લીલા નિશાનમાં બંધ થયા છે. સૌથી વધુ ઉછાળો નિફ્ટી ઓટોમાં જોવા મળ્યો હતો.
મહિન્દ્રા એન્ડ મહિન્દ્રાનો શેર 3.50 ટકાના વધારા સાથે બંધ થયો હતો. ટાટા મોટર્સનો શેર 1 ટકા વધ્યો હતો. દિવાળીના અવસર પર 1 નવેમ્બરના રોજ શેરબજારમાં એક કલાકના મુહૂર્ત ટ્રેડિંગ સેશનનું આયોજન કરવામાં આવ્યું હતું. આ સત્ર સાંજે 6 વાગ્યાથી શરૂ થયું હતું અને સાંજે 7 વાગ્યા સુધી ચાલ્યું હતું. બીએસઈ અને એનએસઈ બંને ઉછાળામાં રહ્યા હતા.
પ્રી-ઓપનિંગ સેશન દરમિયાન BSE સેન્સેક્સ 1100 પોઈન્ટ સુધી ઉછળ્યો હતો. નિફ્ટીની શરૂઆત 24300ને પાર કરી ગઈ. સત્રના અંત પછી, BSE સેન્સેક્સ 335.06 પોઈન્ટ વધીને 79,724.12 પર પહોંચ્યો હતો.
મુહૂર્ત ટ્રેડિંગના અંતે રોકાણકારોની સંપત્તિમાં રૂ. 3,39,177.63 કરોડનો વધારો નોંધાયો હતો. 31 ઓક્ટોબરના રોજ BSE પર લિસ્ટેડ કંપનીઓનું કુલ માર્કેટ કેપ રૂ 4,44,71,429.92 કરોડ હતું. 1 નવેમ્બરના રોજ 1 કલાકના દિવાળી વિશેષ સત્રના અંત પછી માર્કેટ કેપ રૂ. 4,48,10,607.55 કરોડ થયું હતું.
Click it and Unblock the Notifications
Sign in with Google
