Budget 2025 : ટીવી-મોબાઇલ ફોન થશે સસ્તા, કાર ખરીદતા પહેલા જાણી લો શું નફા-નુકસાન?
Budget 2025: આ વર્ષના સામાન્ય બજેટમાં કેન્દ્ર સરકારે ઘણી જાહેરાત કરી છે. ઘણી વસ્તુઓના ભાવમાં પણ વધારો અને ઘટાડો થશે.
કેન્દ્રીય નાણામંત્રી નિર્મલા સીતારામણનું આ સતત 8મું બજેટ છે. તે સતત આઠ કેન્દ્રીય બજેટ રજૂ કરનારી પ્રથમ નાણામંત્રી બની છે.
Budget 2025માં અનેક મહત્વપૂર્ણ જાહેરાતો કરવામાં આવી છે. નાણામંત્રીએ ઘોષણા કરી છે કે જીવન બચાવનારી દવાઓ અને કેન્સર દવાઓ સસ્તી થશે. આ સાથે LED-LCD ટીવીના ભાવ પણ ઘટશે.
આઉટપુટ પર લાગતી કસ્ટમ ડ્યૂટી ઘટાડવામાં આવશે. લિથિયમ આયન બેટરી સસ્તી થશે, જેના કારણે ઈવી અને મોબાઇલની બેટરીઓ સસ્તી થશે.
ઈવી કાર સસ્તી થશે
આ બજેટમાં સામાન્ય નાગરિકને રોજબરોજ વપરાતી વસ્તુઓની કિંમત પર મોટી રાહત અપાઈ છે. નાણામંત્રીએ કેટલીક વસ્તુઓ સસ્તી કરવાની જાહેરાત કરી છે, જેનાથી સામાન્ય જનતા પર અનુકૂળ અસર પડશે.
છેલ્લા કેટલાક વર્ષોમાં ઈલેક્ટ્રિક વાહનો પર વિશેષ ધ્યાન આપવામાં આવ્યું છે. ઉદ્યોગ નિષ્ણાતો માને છે કે સરકારનો આધાર 2030 સુધીમાં 30% ઈવી વેચાણના લક્ષ્યને પ્રાપ્ત કરવામાં સહાયક થઈ શકે છે.
ઓટો ઉદ્યોગ નિષ્ણાતો માને છે કે માત્ર ભાવમાં ફેરફારથી લક્ષ્ય હાંસલ નહીં થાય. ઈવી ખરીદ પર સબસિડીની જરુર છે, જેથી તે પેટ્રોલ અને ડીઝલ વાહનોની તુલનામાં વધુ સસ્તી બને. ભાવ ઘટતા જ ગ્રાહકો ઈલેક્ટ્રિક વિકલ્પો પસંદ કરવા માટે વધુ ઉત્સાહિત થશે.
ઓટો ઉદ્યોગ નિષ્ણાતો માને છે કે ફક્ત ઈવીની કિંમત ઓછી કરવી પૂરતી નથી, બલકે ઇન્ફ્રાસ્ટ્રક્ચરનો વિકાસ પણ મહત્વપૂર્ણ છે. વધુ ચાર્જિંગ સ્ટેશન બનાવવા અને બેટરી ઈન્ફ્રાસ્ટ્રક્ચરને મજબૂત બનાવવી જરૂરી છે.
Click it and Unblock the Notifications
Sign in with Google
