LIC પોલિસી ધારકોને ફેક કોલ્સ મળે તો શું કરવું?

લાઇફ ઇન્શ્યોરન્સ કોર્પોરેશન ઓફ ઇન્ડિયા (એલઆઇસી - LIC) અવારનવાર એલઆઇસી પોલિસી ધારકોને સૂચિત કરતી રહે છે કે કંપની સંબંધિત આવતા ફેકકોલ્સ સાથે કંપનીને કોઇ લેવા દેવા નથી.

આ સૂચના એટલા માટે આપવામાં આવી છે કારણ કે એવા ઘણા કિસ્સા બન્યા છે જેમાં પોતે એલઆઇસી એજન્ટ હોવાનું કહીને પોલિસી પધરાવીને નાણા પડાવી લેવામાં આવ્યા હોય. આ ઉપરાંત પોલિસી લેવા અંગે પણ વિવિધ ફરિયાદો નોંધાઇ છે.

અમે અહીં આપને એવી કેટલીક ટિપ્સ આપી રહ્યા છે જેની મદદથી આવા ફેક કોલ્સ સામે કેવા પગલાં લઇ શકાય તેની માહિતી આપવા ઉપરાંત કંપનીને ફેક કોલ્સ બંધ કરાવવાના અભિયાનમાં પણ મદદ મળશે. આવા ફોન કોલ્સમાં સૌથી ખાસ બાબત એ જ યાદ રાખવી કે આપની કોઇ પણ મહત્વની અને પર્સનલ ડિટેઇલ્સ આપવી જોઇએ નહીં.

1.

કોલરને ઇરડા દ્વારા આપવામાં આવેલા લાયસન્સ અને તેની ઓળખ માંગીને તે ચકાસો.

2.

જો આપને કોઇ પોલિસી અંગે મુંઝવણ હોય તો આપ એલઆઇસીની વેબસાઇટ પર જઇને તે અંગેની માહિતી મેળવી શકશો.

3.

એલઆઇસી તેના ગ્રાહકોને ઓનલાઇન રજિસ્ટ્રેશનની સુવિધા આપે છે. જેની મદદથી આપ ઓનલાઇન પોલિસી મેનેજમેન્ટ કરી શકશો. આમ કરવાથી જ્યારે પણ આપને ફેક કોલ્સ મળે છે ત્યારે આપ આપની પોલિસીઓ વિશે સારી રીતે જાણતા હશો.

4.

ફેક કોલ્સની ટૂંકી વિગતો સાથે [email protected] પર સંપર્ક કરી શકાય છે.

5.

ફેક કોલ્સ હોવાનું ધ્યાનમાં આવે તો આપના પોલિસી નંબર અને અન્ય વિગતો આપવી નહીં.

6.

ઊંચા વળતર કે બોનસની ભ્રમજાળમાં ફસાઇ જવું નહીં.

7.

જો કોઇ કોલર આપને આપની પોલિસી પરત કરવા કહે તો તેમ કરવું નહીં કારણ કે એલઆઇસી આમ કરવાને પ્રોત્સાહન આપતી નથી.

English summary

What LIC policy holders should do if they receive fake calls?