ગુરુના ચંદ્રમાઓ પર છે એલિયન્સનું અસ્તિત્વ !!!

Published: Wednesday, May 29, 2013, 11:21 [IST]

મંગળ પર મોકલવામાં આવેલા ઉપગ્રહ ઓપોર્ચ્યુનિટીએ પાછલા સપ્તાહે એવી અનેક બાબતોની તપાસ કરી છે જેનાથી એ વાતને સમર્થન મળે છે કે એક સમય મંગળ પર જીવન રહ્યું હશે. સૌર મંડળમાં અન્યત્ર જીવનની સંભાવનાની શોધ માટે વિજ્ઞાનીઓ ધૂળ ભરેલા મેદાનો, વિશાળ પર્વતો અને મંગળની પર્વતમાળાઓથી પણ આગળ જવું પડશે. આ માટે આપણે એસ્ટેરૉયડ બેલ્થી પણ આગળ જઇને તપાસ કરવી પડશે.

આ મથામણ દરમિયાન એક તાજા સમાચાર એવા મળી રહ્યા છે કે સૌર મંડળના સૌથી મોટા ગ્રહ ગુરુ પર અસલી જીવિત જીવો હોઇ શકે છે. ઉલ્લેખનીય છે કે રાતા ગ્રહ કહેવાતા મંગળ પર વૈજ્ઞાનિકો વર્ષો પહેલા મૃત્યુ પામેલા જીવો મળવાની શક્યતાઓ દર્શાવી છે.

અત્યાર સુધી ગુરુના 70 ચંદ્રમા હોવાની વાતના પુરાવા મળી ચૂક્યા છે. તેમાંથી ચાર ચંદ્રમા મુખ્ય છે. લો, કેલિસ્ટો, ગેનીમેડ અને યુરોપા. લો જ્વાળામુખી, ઇકળતા લાવા અને ઝેરી સલ્ફરના ગેસથી ભરેલો ચંદ્રમા છે. કેલિસ્ટો બરફથી ઢંકાયેલો છે. ગેનીમેડ અને યુરોપા પર બરફના વિશાળ પડ જમા છે જેની નીચે પાણીના સમુદ્ર આવેલા છે.

આ કારણે ગેનીમેડ અને યુરોપા પર જીવન હોવાની સંભાવના છે. પૃથ્વી પર સ્થિત દૂરદર્શિયોનો ઉપયોગ કરીને હેન્ડ અને તેમના સાથીઓએ મળીને તાજેતરમાં એ વાતની પુષ્ટિ કરી હતી કે યુરોપાની મોટા ભાગની સપાટી પર હાઇડ્રોજન પેરોક્સાઇડ મોટા પ્રમાણમાં છે. આથી મંગળની સરખામણીએ અહીં બહુકોષીય જીવો માટે પૂરતી ઉર્જા હોઇ શકે છે.

ગુરુના ચંદ્રમાઓ પર જીવન કયા સ્વરૂપે?

વિજ્ઞાની હેન્ડનું માનવું છે કે અહીંની પરિસ્થિતિને જોતાં વિશાળ કાનો વાળી એલિયન માછલીઓથી ભરેલા સમુદ્રની કલ્પના કરી શકાય એમ છે. જો કે જ્યાં સુધી તેના પુરાવા નામ મળે ત્યાં સુધી આ બાબતને અટકળ જ માનવી પડે એમ છે. આ ચંદ્રમાઓ પર જીવનની શક્યતાઓ વધી રહી છે, પણ તેનો અર્થ એ નથી કે તે જીવ છે. અન્ય એક વિજ્ઞાની કોટ્સનું કહેવું છે કે ગેનીમેડ પર જીવનની શક્યતાઓ વધારે પ્રબળ છે. કારણ કે તેની આસ પાસ ચુંબકીય ક્ષેત્ર છે. જે તેને વિકિરણથી બચાવે છે. જ્યારે યુરોપાના વાતાવરણમાં વિકિરણ વધારે છે. ગેનીમેડના તરલ સમુદ્રની ઉપર જામેલી બરફની પરત પણ તેને વિકિરણથી બચાવે છે.

જો કે અત્યારની યોજનાઓમાં વિનાવિલંબે આગળ વધીએ તો પણ ગુરુ સુધી પહોંચતા 17 વર્ષ લાગશે જ્યારે ગેનીમેડની કક્ષા સુધી પહોંચતા 19 વર્ષ લાગે એમ છે. જો ગેનીમેડ અને યુરોપા પર જીવન મળી આવે છે તો એ બાબતની સંભાવનાઓ વધી જાય છે કે બ્રહ્માંડમાં જીવન મોટા પાયે છે.