Anant Ambani: 108 કિલો વજન ઘટાડીને ફીટ થયા પછી પણ ફરીથી કેમ વધ્યુ અનંત અંબાણીનુ વજન, આ છે કારણ
Anant Ambani Weight and Health News: ભારતના સૌથી ધનિક પરિવાર અને મુકેશ અંબાણીના નાના પુત્ર અનંત અંબાણી અને તેની ફિયાન્સ રાધિકા મર્ચન્ટના લગ્ન પહેલા પ્રી-વેડિંગની તૈયારીઓ શરૂ થઈ ગઈ છે. આ ઈવેન્ટ 1થી 3 માર્ચ દરમિયાન ગુજરાતના જામનગરમાં યોજાશે.
આ કાર્યક્રમમાં અનેક હસ્તીઓ હાજરી આપશે. અનંત અને રાધિકા આ વર્ષે 12 જુલાઈના રોજ લગ્ન કરશે. આ સિવાય અનંત અંબાણી અવારનવાર પોતાના વધેલા વજનના કારણે ચર્ચામાં રહે છે.
વાસ્તવમાં, 2016માં અનંત અંબાણીએ 18 મહિના સુધી ડાયેટ અને વર્કઆઉટને કારણે 108 કિલો વજન ઘટાડીને બધાને ચોંકાવી દીધા હતા. પરંતુ તેનું વજન ફરીથી વધી ગયું, જેણે બધાને આશ્ચર્યચકિત કરી દીધા. અનંતનું વજન વધવાનું કારણ શું છે તે અંગે તેની માતા નીતા અંબાણીએ એક ઇન્ટરવ્યુમાં આ વિશે ખુલાસો કર્યો હતો, ચાલો જાણીએ.
આ બીમારીને કારણે અનંતને લેવી પડી હતી સ્ટીરોઇડ્સ
નીતા અંબાણીએ જણાવ્યું હતું કે અનંતને ગંભીર અસ્થમા છે. તેથી અમે તેને ઘણી બધી સ્ટીરોઈડ્સ આપી હતી. જેના કારણે અનંતનું વજન ઘણું વધી ગયું હતું. રિપોર્ટસ અનુસાર, 2014ની આસપાસ અનંતનું વજન 208 કિલો હતું. આ પછી, 2016માં, અનંતના વજન ઘટાડવાના ટ્રાન્સફોર્મેશનને કારણે ઇન્ટરનેટ પર સનસનાટી મચી ગઈ હતી. ત્યારબાદ અનંતે 18 મહિનામાં લગભગ 108 કિલો વજન ઘટાડ્યું હતું.
108 કિલો વજન ઘટાડવા માટે ઘણી મહેનત કરવી પડી
અનંત દરરોજ પાંચ-છ કલાક વર્કઆઉટ કરતો હતો. તે દરરોજ 21 કિમી ચાલતો હતો. તેની દૈનિક કસરતમાં યોગ, વેઈટ લિફ્ટિંગ અને હાઈ ઈન્ટેન્સિટી કાર્ડિયો એક્સરસાઇઝનો સમાવેશ થતો હતો.
આ ડાયેટ કર્યુ ફોલો
અનંતે વજન ઘટાડવા માટે ઝીરો સેવર, હાઈ પ્રોટીન, લો ફેટ અને લો-કાર્બ જેવા ડાયટ ફોલો કર્યા હતા. તે દરરોજ 1200થી 1400 કેલરી લેતો હતો. આ સિવાય તે સ્પ્રાઉટ્સ, લીલા શાકભાજી, કઠોળ અને ડેરી વસ્તુઓ જેવી કે ચીઝ અને દૂધ પર ભાર મૂકતો હતો. તેના આહારમાંથી જંક ફૂડ સંપૂર્ણપણે દૂર કરવામાં આવ્યું હતું.
ફરીથી વધી ગયુ વજન
2020માં, રાધિકા મર્ચન્ટના જન્મદિવસની ઉજવણીની તસવીરોમાં અનંત વધેલા વજન સાથે જોવા મળ્યો હતો. આ પછી ડિસેમ્બર 2022માં ઈશા અંબાણીના ટ્વિન્સના સ્વાગત કાર્યક્રમમાં અનંતનો વધેલા વજન સાથેનો ફોટો વાયરલ થયો હતો. અનંત અંબાણી અને રાધિકા મર્ચન્ટની સગાઈની તસવીરોમાં પણ અનંતના વધેલા વજનની ખૂબ ચર્ચા થઈ હતી.
Click it and Unblock the Notifications
Sign in with Google
