Anant Radhika Ni Love Story: અનંત અંબાણી અને રાધિકા મર્ચન્ટની ક્યુટ લવ સ્ટોરી, લગ્ન સુધી કેવી રીતે પહોંચી વાત

Anant Ambani and Radhika Merchant Love Story: અંબાણી પરિવારના લગ્ન સમારોહની દેશ જ નહીં આખી દુનિયા રાહ જોઈ રહી છે. અનંત અંબાણી અને રાધિકા મર્ચન્ટના લગ્નની સૌથી વધુ રાહ જોવાઈ રહી છે. અંબાણી પરિવારે ગુજરાતના જામનગરમાં યોજાનાર ભવ્ય કાર્યક્રમમાં ઘણી હસ્તીઓને આમંત્રિત કર્યા છે, જેમાં માર્ક ઝુકરબર્ગ, બિલ ગેટ્સ, રીહાના, શાહરૂખ ખાન, અમિતાભ બચ્ચન જેવા પ્રખ્યાત લોકો સામેલ છે.

જો કે, આ બધાની વચ્ચે લોકોને એ જાણવામાં પણ રસ છે કે કેવી રીતે રાધિકા મર્ચન્ટને અંબાણી પરિવારની વહુ તરીકે પસંદ કરવામાં આવી. અનંત અંબાણી અને રાધિકા મર્ચન્ટની લવ સ્ટોરી ક્યારે અને કેવી રીતે શરૂ થઈ? ચાલો આ લેખમાં જાણવાનો પ્રયાસ કરીએ.

જ્યારે અનંત અને રાધિકા એકસાથે આવ્યા દુનિયા સામે

મુકેશ અને નીતા અંબાણીના નાના પુત્ર અનંત અંબાણી અને Encore Healthcare CEO વિરેન મર્ચન્ટની પુત્રી રાધિકા મર્ચન્ટ 2018માં પહેલીવાર એકસાથે તસવીરો સામે આવી ત્યારથી ચર્ચામાં છે. તેમના સંબંધો લોકોના રસનું કારણ બની ગયા છે. આ યુગલને ડિસેમ્બર 2018 અને માર્ચ 2019ની વચ્ચે અંબાણી પરિવારના વિવિધ કાર્યોમાં જોવામાં આવ્યું હતું, જેમાં અનંતના ભાઈ-બહેન આકાશ અને ઈશા અંબાણીના હાઈ-પ્રોફાઈલ લગ્નનો સમાવેશ થાય છે.

મુકેશ અને નીતા અંબાણીએ તેમની ભાવિ પુત્રવધૂ માટે જૂન 2022માં 'આરંગેત્રમ' સમારોહનું આયોજન કર્યું હતું. આ ઈવેન્ટનું આયોજન મુંબઈના જિયો વર્લ્ડ સેન્ટરમાં કરવામાં આવ્યું હતું. જેમાં સલમાન ખાન અને આમિર ખાન જેવા બૉલિવુડ સ્ટાર્સે પણ ભાગ લીધો હતો.

તેમની લગ્નની ઔપચારિક યાત્રા 29 ડિસેમ્બર, 2022ના રોજ રાજસ્થાનના નાથદ્વારામાં શ્રીનાથજી મંદિરમાં પરંપરાગત રોકા વિધિ સાથે શરૂ થઈ હતી. જેમાં નજીકના મિત્રો અને પરિવારના સભ્યોએ ભાગ લીધો હતો. યુગલે પરંપરાગત રાજ-ભોગ-શ્રૃંગાર સમારોહમાં પણ ભાગ લીધો હતો.

ત્યારબાદ, 19 જાન્યુઆરી, 2023ના રોજ મુંબઈમાં અંબાણીના નિવાસસ્થાને એક ભવ્ય સગાઈ સમારોહ યોજાયો હતો. આ કાર્યક્રમમાં શાહરૂખ ખાન, દીપિકા પાદુકોણ અને આલિયા ભટ્ટ જેવી સેલિબ્રિટીઓએ હાજરી આપી હતી. કાર્યક્રમમાં પરંપરાગત ગુજરાતી 'ગોળ ધાણા' સમારોહનું આયોજન કરવામાં આવ્યું હતું.

તેમના લગ્નની તૈયારીમાં, દંપત્તિ કેરળના ગુરુવાયૂર મંદિર અને શિરડી સાંઈ મંદિર સહિત સમગ્ર ભારતમાં વિવિધ મંદિરોની મુલાકાત લેતા જોવા મળ્યા હતા. તેમણે એપ્રિલ 2023માં નીતા મુકેશ અંબાણી કલ્ચરલ સેન્ટરના ભવ્ય ઉદ્ઘાટન અને અયોધ્યામાં રામ મંદિરના અભિષેક સમારોહમાં પણ હાજરી આપી હતી.

રાધિકા-અનંતની મિત્રતા

અંબાણી પરિવાર માટે વર્ષ 2024 ખૂબ જ ખાસ રહેવાનું છે. મુકેશ અને નીતા અંબાણીના નાના પુત્ર અનંત અંબાણી સેહરા પહેરેલા જોવા મળશે. વર-કન્યા બનવા જઈ રહેલા અનંત અને રાધિકાની લવ સ્ટોરી ખૂબ જ સુંદર છે. અનંત અને રાધિકા બાળપણના મિત્રો છે. વર્ષ 2028માં તેમની સાથેની તસવીરો સામે આવી ત્યારથી તેમના સંબંધો વિશે અટકળો ચાલી રહી હતી. મીડિયામાં છપાયેલી તેમની તસવીરો જોઈને અનુમાન લગાવી શકાય છે કે અનંત અને રાધિકા વચ્ચે કેટલો પ્રેમ છે. જો કે, અનંતે પણ એક ઈન્ટરવ્યુ દરમિયાન રાધિકા માટે પોતાની લાગણી વ્યક્ત કરી હતી અને તેને પોતાની સૌથી મોટી તાકાત ગણાવી હતી.

English summary

Anant Ambani Radhika Merchant Love Story: Timeline of their love to marriage relationship