દુનિયાના વિવિધ દેશોમાં અલગ-અલગ રીતે અપાય છે મોતની સજા, આ દેશ ખૌફનાક મોત આપવા માટે જાણીતો છે
દુનિયાના વિવિધ દેશોમાં સમયે સમયે મોતની સજાને નાબુદ કરવાની માંગણી થતી રહે છે. આ સ્થિતીમાં એ જાણવુ જરૂરી છે કે ક્યાં દેશમાં મોતની સજા કેવી રીતે આપવામાં આવે છે?
વિશ્વના વિવિધ દેશોમાં એક જ પ્રકારના ગુના માટે જુદી જુદી સજાની જોગવાઈ છે. ઘણા દેશોમાં સામાન્ય ગુના માટે મહિનાઓ કે વર્ષો સુધી જેલમાં રહેવું પડી શકે છે. હત્યા, બળાત્કાર અને ક્રૂરતા જેવા ગંભીર ગુનાઓ માટે મૃત્યુદંડની જોગવાઈ છે.
વિશ્વના વિવિધ દેશો મૃત્યુદંડને લઈને અલગ-અલગ પદ્ધતિઓનો ઉપયોગ કરે છે. ભારતમાં ફાંસી દ્વારા મૃત્યુદંડ આપવામાં આવે છે. ભારતમાં આરોપીને જેલમાં જ ફાંસી આપવામાં આવે છે.
બીબીસીના એક અહેવાલ અનુસાર, દુનિયાના 58 દેશોમાં મૃત્યુદંડના દોષિતોને ફાંસી આપવામાં આવે છે. કેટલાક દેશો મૃત્યુ દંડ માટે બંદૂકનો ઉપયોગ કરે છે. દુનિયાના 73 દેશો દોષિતોને ગોળી મારીને મૃત્યુદંડ આપે છે.
ઘણા દેશોમાં મૃત્યુ દંડ આપવાની એક કરતાં વધુ રીતો છે. ભારત સહિત વિશ્વના 33 દેશોમાં ફાંસી દ્વારા જ મોતની સજા આપી શકાય છે. આ સિવાય મૃત્યુદંડ આપવાનો બીજો કોઈ વિકલ્પ નથી.
આ સિવાય અફઘાનિસ્તાન અને સુદાન સહિત કુલ 6 દેશોમાં પથ્થર અથવા ફાયરીંગ કરીને મોતની સજા આપવામાં આવે છે. યમન, બહેરીન, ચિલી, થાઈલેન્ડ, ઈન્ડોનેશિયા અને આર્મેનિયા જેવા દેશોમાં ગોળી મારીને મૃત્યુદંડ આપવામાં આવે છે
આ સિવાય ચીન અને ફિલિપાઈન્સ સહિત વિશ્વના પાંચ દેશોમાં ઈન્જેક્શન દ્વારા મૃત્યુદંડ આપવામાં આવે છે. વિશ્વના ત્રણ દેશોમાં શિરચ્છેદ કરીને મૃત્યુદંડ આપવામાં આવે છે. વિશ્વમાં ઘણા એવા દેશો છે જેમણે મૃત્યુદંડની જોગવાઈને નાબૂદ કરી છે. દુનિયાના 97 દેશો અત્યાર સુધી આ કરી ચુક્યા છે.
Click it and Unblock the Notifications
Sign in with Google
