EVM Strong Room : મતદાન બાદ મતગમતરી સુધી સ્ટ્રોંગ રૂમની ચાવી કોની પાસે રહે છે? જાણો શું હોય છે પ્રક્રિયા?
EVM Strong Room : ભારતમાં ચૂંટણી માટે ઈવીએમનો ઉપયોગ કરવામાં આવે છે. પહેલા બેલેટ બોક્સની જેમ જ ચૂંટણી પુરી થયા બાદ ઈવીએમને સ્ટ્રોંગ રૂમમાં રાખવામાં આવે છે.
જણાવી દઈએ કે, ચૂંટણી પુરી થયા બાદ ઈવીએમને સીલ કરવાથી લઈને સ્ટ્રોગ રૂમમાં રાખવા અને મતગણતરી માટે ચોક્કસ નિયમો હોય છે.
મતદાન બાદ પ્રિસાઇડિંગ ઓફિસર ઇવીએમમાં મતોના રેકોર્ડની તપાસ કરે છે. આ દરમિયાન તમામ ઉમેદવારોના પોલિંગ એજન્ટને વેરિફાઈડ કોપી આપવામાં આવે છે. આ પછી તમામ EVM ને સ્ટ્રોંગ રૂમને સીલ કરી દેવામાં આવે છે. ઉમેદવારોના પ્રતિનિધિઓ તેમના વતી મહોર લગાવી શકે છે.
અહીં કોઈપણ વ્યક્તિને જવાની પરવાનગી નથી. ચૂંટણી પંચ તેની સુરક્ષા માટે સંપૂર્ણ સતર્ક રહે છે. ચૂંટણી પંચ ત્રણ સ્તરે સ્ટ્રોંગ રૂમની સુરક્ષા કરે છે. ચૂંટણી પંચ આ માટે અગાઉથી તૈયારી કરે છે.
સ્ટ્રોંગ રૂમની આંતરિક સુરક્ષા કેન્દ્રીય અર્ધલશ્કરી દળો દ્વારા કરાય છે. અંદર બીજી સુરક્ષા હોય છે, જે કેન્દ્રીય દળ દ્વારા કરવામાં આવે છે. સૌથી બહારની સુરક્ષા કોર્ડન રાજ્ય પોલીસ દળોની જવાબદારી છે.
જણાવી દઈએ કે, જિલ્લામાં ઉપલબ્ધ તમામ ઈવીએમ જિલ્લા ચૂંટણી અધિકારીની દેખરેખ હેઠળ છે. જેમાં ડબલ લોક સિસ્ટમ છે. તેની સુરક્ષા માટે પોલીસ દળો હંમેશા તૈનાત હોય છે. આ સાથે સીસીટીવીની દેખરેખ પણ રખાય છે.
Click it and Unblock the Notifications
Sign in with Google
