Facebookને ટક્કર આપશે શુદ્ધ દેશી Jumpbook
પટના, 5 સપ્ટેમ્બર: ક્રિએટીવિટી દરેક માણસમાં હોય છે, બસ તેને બહાર લાવવાની જરૂર હોય છે. પટનાના બે ભાઇઓ નિલય સિંહ અને અંકુર સિંહના વર્ચુઅલ સ્પેસમાં આવો ચમત્કાર કરી બતાવ્યો છે.
ફેસબુક જેવી સોશિયલ નેટવર્કિંગ સાઇટને ટક્કર આપવા માટે આ બંને ભાઇઓએ શુદ્ધ દેશી જંપબુક તૈયાર કર્યું છે જે કોઇપણ પ્રકારે ફેસબુક કરતાં ઓછું નથી. પટનાના કંકડબાગમાં રહેનાર બીટેકના વિદ્યાર્થી નિલય સિંહ અને અંકુર સિંહ બંને ભાઇ છે. બંને ભાઇઓએ મળીને ફેસબુક જેવી સોશિયલ નેટવર્કિંગ સાઇટ તૈયાર કરી છે. તેમાં ફેસબુક જેવી બધી સુવિધાઓ ઉપલબ્ધ છે.
જો કે સાઇટ બનાવનાર બંને ભાઇઓ, નિલય સિંહ અને અંકુર માટે એટલુ સરળ ન હતું. ધરની આર્થિક સ્થિતિ ઠીક ન હોવાના કારણે નિલય સિંહે પોતાની એન્જીનિયરિંગનો અભ્યાસ અધવચ્ચે છોડી દિધી હતી જેથી અંકુર પોતાનો અભ્યાસ પુરો કરી શકે.
વેબસાઇટ ડિઝાઇનિંગનો કોર્સ નિલય સિંહે સ્થાનિક કોમ્પ્યુટર સેન્ટરમાંથી પૂર્ણ કર્યો, ત્યારબાદ આકરી મેહનત બાદ પોતાના ભાઇ સાથે મળીને જંપબુક બનાવવામાં સફળતા મળી.

જંપબુકની વિશેષતા
બંને ભાઇઓનો દાવો છે કે તેમના દ્વારા બનાવવામાં આવેલી સાઇટ ઘણી બાબતે ફેસબુક કરતાં ચડિયાતી છે. નિલય સિંહે જણાવ્યું હતું કે તેમની સાઇટમાં સોશિયલ નેટવર્કિગ વેબસાઇટ, એપ્લીકેશન, ફોરમ અને બ્લોગ સહિત 5 મુખ્ય વિશેષતાઓ છે.

સુરક્ષાનું રાખ્યું ધ્યાન
નિલય સિંહે જણાવ્યું હતું કે જંપબુકમાં અમે સિક્યોરિટીનું સંપૂર્ણ ધ્યાન રાખ્યું છે. તેમાં તમારી પરવાનગી વિના કોઇપણ ટાઇમલાઇન પર કંઇપણ નાખી શકતું નથી. નિલય સિંહે કહ્યું હતું કે તેમાં લોગીન થતાં પહેલાં જ રીસેન્ટલી જોડાયેલા લોકોની યાદી જોવા મળે છે. તે લીસ્ટને જોઇને તમે ફ્રેન્ડ રિકવેસ્ટ મોકલી શકો છો.

કોઇ હેક કરી શકતું નથી
નિલય સિંહનો દાવો છે કે તેને કોઇ બીજી વ્યક્તિ હેક કરી શકતું નથી. ખુલતાં પહેલાં તેમાં એક સરળ પ્રશ્ન પુછવામાં આવે છે. તેનો જવાબ ફક્ત તે વ્યક્તિ જ આપી શકે છે. કોમ્પ્યુટર આ પ્રશ્નનો જવાબ આપી શકતું નથી. પ્રશ્નનો જવાબ આપવાની સાથે જ પાસવર્ડ નાખવો પડે છે. ત્યારે આ ખુલે છે.

આવી રહી છે ફંડની મુશ્કેલી
આગળની યોજના વિશે વાત કરીએ તો નિલય સિંહ થોડી ઉદાસી સાથે કહે છે કે અમારી પાસે ફંડની સમસ્યા છે જેથી અમે આનો વિસ્તાર કરી શકતા નથી.

લોકોમાં લોકપ્રિયતા
ત્રણ મહિના પહેલાં શરૂ કરવામાં આવેલા જંપબુકમાં આજે 32 હજારથી વધુ યૂજર્સ છે અને દિન પ્રતિદિન તેની સંખ્યા વધી રહી છે. જેના કારણે જંપબુકનું સર્વર લોડ લઇ નથી રહ્યું. યૂજર્સની સંખ્યા આ પ્રમાણે વધતી રહેશે તો આગામી એક વર્ષમાં 15 લાખ યૂજર્સ થઇ જશે.

લોન લઇને ચાલુ કર્યું સર્વર
ગત 3 મહિનાઓથી સર્વર ફંડના કારણે બંધ પડ્યું હતું, પરંતુ અમે 20 હજાર રૂપિયાની લોન લઇને તેને ચાલુ કરાવ્યું. ફંડને લઇને પરેશાન નિલય સિંહ કહે છે કે આના માટે ના તો તે કોઇ સરકાર આર્થિક મદદ લેવા માટે તૈયાર છે અને ના તો લોકો સુધી આ વેબસાઇટની ઓળખ બનાવવા માટે કોઇ માધ્યમ છે.

બુલંદ વિશ્વાસ
પૈસાની સમસ્યાના કારણે જંપબુકને પોપ્યુલર બનાવવામાં ભલે તેમનો સમસ્યા આવી રહી છે પરંતુ તેમનો વિશ્વાસ બુલંદ છે. જો તમે પણ જંપબુક સાથે જોડાવવા માંગતા હોય તો www.jumpbook.in પર જાવ.
-
Gujarat News: ઉનાળામાં બાળકને લૂ લાગી શકે, શાળાઓ સવારની કરવા ઉઠી માંગ -
ગુજરાત સરકારે અમદાવાદ અને સુરત મેટ્રો માટે 34 ટ્રેનસેટ્સનો ઓર્ડર આપ્યો, જાણો શું છે ખાસિયત -
ગુજરાતમાં કાળઝાળ ગરમી પડવાની હવામાન વિભાગની આગાહી, જાણો તમારા શહેરમાં કેવો રહેશે માહોલ -
Parliament Today: સંસદમાં વિપક્ષનો સરકાર પર LPG-CNG પ્રહાર, આજે ગૃહમાં કયા મુદ્દાઓ પર થશે ચર્ચા -
LPG ગ્રાહકો માટે એલર્ટ! તાત્કાલિક કરાવો e-KYC, નહીં તો કપાઈ જશે ગેસ કનેક્શન, જાણો સ્ટેપ બાય સ્ટેપ પ્રોસેસ -
LPG Shortage: એલપીજી સંકટ વચ્ચે સરકારનું મોટું નિવેદન, જાણો હવે કેવી રીતે થશે ગેસ બુક? -
Petrol Diesel Price: 12 માર્ચે બદલાયા પેટ્રોલ-ડીઝલના ભાવ, જાણો તમારા શહેરની લેટેસ્ટ કિંમત -
Amit Shah Speech: અવિશ્વાસ પ્રસ્તાવ પર બોલ્યા ગૃહમંત્રી શાહ, 'સ્પીકર પર આરોપથી દેશની બદનામી' -
ઈરાન-ઈઝરાયલ યુદ્ધના કારણે રદ થશે IPL 2026? જંગ વચ્ચે BCCIએ લીધો મોટો નિર્ણય -
Weather Today: હરિયાણા-ગુજરાત સહિત 5 રાજ્યોમાં આંધી-તોફાનની આશંકા, જાણો હવામાન વિભાગની આગાહી -
Gold Silver Rate Today: ઈરાન યુદ્ધની અસર! ચાંદી ₹13,000 મોંઘી, સોનામાં પણ ઉછાળો, જાણો શું છે લેટેસ્ટ ભાવ -
Gold Rate Today: ઈરાન જંગને કારણે સોનામાં ફરી ઉછાળો! શું 1.80 લાખ સુધી પહોંચશે સોનું? જાણો લેટેસ્ટ કિંમત












Click it and Unblock the Notifications
