અહીં યુવતીઓ વાળ ઉતરાવીને ઉઘાડા માથે શોધે છે પોતાના માટે પતિ, જાણો ક્યાં જોવા મળે છે આ અનોખી પરંપરા?

સામાન્ય રીતે યુવતીઓ પોતાના લગ્નના મહિનાઓ પહેલા લગ્નની તૈયારીઓ શરૂ કરી દે છે. ખાસ પ્રકારની હેર સ્ટાઈલથી લઈને ડ્રેસ પસંદ કરે છે. જો કે તમને જાણીને નવાઈ લાગશે કે એક જનજાતિમાં મહિલાઓ વાળ મુંડાવીને પતિની શોધ કરે છે.

તમને જાણીને નવાઈ લાગશે કે દુનિયામાં એક એવી જગ્યા છે જ્યાં લગ્નની કોઈ તૈયારી નથી થતી પરંતુ છોકરીઓ પોતાના વાળ મુંડાવે છે. આ એક પરંપરાના નામે કરવામાં આવે છે.

કેન્યામાં જોવા મળતી બોરાના જનજાતિ અલગ પ્રકારની પરંપરા ધરાવે છે. અહીં લગ્ન પહેલા દુલ્હન વાળ મુંડાવીને રહે છે. તે ઇચ્છે છે કે વરના વાળ જાડા, લાંબા અને સિલ્કી હોય. બોરોના જનજાતિના લોકો આ પરંપરાને સેંકડો વર્ષોથી અનુસરી રહ્યા છે અને આ એક સામાન્ય બાબત છે.

બોરોના આદિજાતિ સેંકડો વર્ષોથી દક્ષિણ આફ્રિકામાં ઇથોપિયા અને સોમાલિયા વચ્ચે રહે છે. અહીં સ્ત્રીઓ કરતાં પુરુષોનું વર્ચસ્વ વધુ છે. પુરુષો ગામડાની જીવનશૈલી અને પ્રાણીઓની સંભાળ રાખે છે. ઘરના કામકાજ અને રિવાજોની જવાબદારી સ્ત્રીઓ પર રહે છે.

આ જનજાતિ સાથે જોડાયેલી વિચિત્ર પરંપરા એ છે કે અહીંની છોકરીઓ લગ્ન પહેલા પોતાનું માથુ મુંડાવે છે. માનવામાં આવે છે કે આનાથી તેમને સારો પતિ મળે છે. તેનાથી વિપરિત જે છોકરાના વાળ સૌથી લાંબા હોય તેને આદરની નજરે જોવામાં આવે છે. ભલે છોકરીઓ જેવા દેખાય પરંતુ તેઓ ભાગ્યશાળી માનવામાં આવે છે.

આ જનજાતિના લોકોનું માનવું છે કે તેમના ફોટા લેવાથી તેમનું બ્લડ ઓછું થઈ જાય છે. તે તસવીરો ક્લિક કરાવવામાં સંકોચ કરે છે. આ જનજાતિના લોકો એક જગ્યાએ નથી રહેતા પરંતુ સમય સમય પર આદિજાતિ અલગ અલગ જગ્યાએ જતા રહે છે.

અહેવાલ અનુસાર, બદલાતા સમય સાથે આદિજાતિના લોકો હવે શિક્ષણનું મહત્વ સમજી રહ્યા છે અને શહેરો તરફ જવા લાગ્યા છે. હવે આ પરંપરાઓ પણ ધીમે ધીમે ઘટી રહી છે પરંતુ ઘણા લોકો આજે પણ તેને અનુસરે છે.

English summary

Here girls shave their heads for their husbands