Monkeypox in India: ભારતમાં મંકીપૉક્સના પહેલા કેસની પુષ્ટિ, સરકારે જાહેર કરી એડવાઈઝરી, આ રીતે રહો સુરક્ષિત

Published: Tuesday, September 10, 2024, 8:58 [IST]

Monkeypox First case in India: દેશમાં મંકીપૉક્સ(MPox)નો પ્રથમ કેસ મળી આવ્યો છે. કેન્દ્રીય આરોગ્ય મંત્રાલયે 9 સપ્ટેમ્બર (સોમવાર)ના રોજ કેસની પુષ્ટિ કરી હતી. દિલ્હીના આ શંકાસ્પદ દર્દીને એક દિવસ પહેલા જ હોસ્પિટલમાં આઈસોલેટ કરવામાં આવ્યો હતો.

હવે તેના સેમ્પલની તપાસ બાદ તેમાં એમપૉક્સ વાયરસ હોવાની પુષ્ટિ થઈ છે. આ દર્દી હાલમાં જ વિદેશથી ભારત પરત ફર્યો છે. હાલ દર્દીની હાલત સ્થિર હોવાનું કહેવાય છે. કેન્દ્રીય સ્વાસ્થ્ય મંત્રાલયે લોકોને આનાથી ન ગભરાવાની સલાહ આપી છે.

આ દરમિયાન, કેન્દ્ર સરકારે સોમવારે રાજ્યો અને કેન્દ્રશાસિત પ્રદેશોને માર્ગદર્શિકા જાહેર કરીને શંકાસ્પદ દર્દીઓની સ્ક્રીનિંગ અને કોન્ટેક્ટ ટ્રેસિંગ કરવાની સલાહ આપી હતી. આ દરમિયાન, ચાલો જાણીએ કે મંકીપૉક્સથી બચવા માટે કઈ બાબતોનું ધ્યાન રાખવું જરૂરી છે.

મંકીપોક્સ(MPOX) શું છે?

એમપૉક્સ એ મંકીપોક્સ વાયરસથી થતો વાયરલ રોગ છે, જે ચિકનપૉક્સ પરિવારનો સભ્ય છે અથવા વાયરસના સમાન જૂથ છે. 1958માં વાંદરાઓમાં 'પૉક્સ-જેવો' રોગ ફાટી નીકળ્યો ત્યારે વૈજ્ઞાનિકો દ્વારા આ વાઈરસને સૌપ્રથમ ઓળખવામાં આવ્યો હતો.

મંકીપોક્સના લક્ષણો

ખૂબ તાવ

સ્નાયુઓ અને પીઠમાં તીવ્ર દુખાવો

માથામાં દુખાવો અને શરીર પર ચકામા

લસિકા ગાંઠોમાં પણ સોજો

વાયરસથી પીડિત દર્દીમાં તાવ 5થી 21 દિવસ સુધી રહે

મંકીપોક્સ કેવી રીતે ફેલાય

મંકીપૉક્સ એ ઝૂનોટિક રોગ છે. આનો અર્થ એ છે કે તે પ્રાણીઓમાંથી માણસોમાં અને મનુષ્યથી પ્રાણીઓમાં ફેલાય છે. તેવી જ રીતે, તે એક ચેપગ્રસ્ત વ્યક્તિથી બીજામાં ફેલાય છે. હોમોસેક્સ્યુઅલ લોકોને આ વાયરસનું સૌથી વધુ જોખમ હોય છે, ખાસ કરીને ગે લોકો અને જેમની પાસે એક કરતા વધુ પાર્ટનર હોય છે. મંકીપૉક્સ ચેપગ્રસ્ત વ્યક્તિને સ્પર્શ કરવાથી, તેના પલંગ, કપડાં અને ટુવાલનો ઉપયોગ કરવાથી પણ ફેલાય છે. આ વાયરસ છીંક અને ઉધરસ દ્વારા પણ ત્વચામાં ફેલાય છે.

મંકીપૉક્સનો ઈલાજ

મંકી પૉક્સની રસી બજારમાં ઉપલબ્ધ નથી. મંકીપૉક્સની સારવાર શીતળાની રસીથી જ થાય છે. આ ઉપરાંત, સ્વચ્છતાનું ધ્યાન રાખીને અને વારંવાર હાથ ધોવા અને વ્યક્તિગત સ્વચ્છતા જાળવવાથી તમે આ વાયરસના ફેલાવાને પણ રોકી શકો છો. સુરક્ષિત સેક્સ કરવાથી પણ તેના જોખમને ટાળી શકાય છે.

Published On September 10, 2024