જાણો શું છે પેપરલેસ એસેમ્બલી? જાણો કેવી રીતે વિધાનસભાની કામગીરી બદલાશે?

આ દિવસોમાં પેપરલેસ એસેમ્બલીની ખુબ ચર્ચા થઈ રહી છે. આ ચર્ચા નાગાલેન્ડથી શરૂ થઈ છે. નાગાલેન્ડ વિધાનસભાને હાલ સંપુર્ણ ઓનલાઈન રીતે ચલાવાઈ. આ પછી પુરા દેશમાં તેની ચર્ચા છે.

ટેકનોલોજી ઝડપથી બદલાઈ રહી છે ત્યારે વિવિધ કામકાજ પણ ઓનલાઈન થઈ રહ્યા છે. આ ક્રમમાં જ હવે વિધાનસભાની કાર્યવાહી પણ ઓનલાઈન શરૂ થવાનું શરૂ થયુ છે. આ શરૂઆત નાગાલેન્ડથી થઈ છે.

હાલમાં જ નાગાલેન્ડ રાષ્ટ્રીય ઈ-વિધાન એપ્લિકેશન કાર્યક્રમને સંપૂર્ણપણે પેપરલેસ અમલમાં મૂકનાર દેશનું પહેલુ રાજ્ય બન્યુ છે. 60 સભ્યો ધરાવતી નાગાલેન્ડ એસેમ્બલીમાં દરેક ટેબલ પર ટેબ્લેટ અને ઈ-બુક્સનો ઉપયોગ કરાયો.

આ બાબતે કેન્દ્રીય સંસદીયમંત્રી પ્રહલાદ જોશીએ જણાવ્યું કે, નાગાલેન્ડ રાષ્ટ્રીય ઈ-વિધાન પ્રોજેક્ટને સફળતાપૂર્વક અમલમાં મૂકનાર ભારતની પહેલી વિધાનસભા બની છે. હવે સભ્યો ગૃહની કાર્યવાહીમાં ભાગ લેવા માટે ઈલેક્ટ્રોનિક ઉપકરણોનો ઉપયોગ કરી શકશે. આ પહેલ પેપરલેસ કામગીરીને પ્રોત્સાહન આપે છે.

NeVA શું છે?
NeVA એક યુનિકોડસોફ્ટવેર છે, જેમાં વિવિધ ડોક્યુમેન્ટ પ્રશ્નોની યાદી, વ્યવસાયની યાદી, અહેવાલો વગેરેને બે ભાષાઓમાં પ્રદર્શિત કરવાની જોગવાઈ છે. આ ભાષામાં એક અંગ્રેજી અને બીજી કોઈપણ પ્રાદેશિક ભાષા હોઈ શકે છે.

આ એપ્લિકેશન સભ્યોને પ્રથમ વર્ગની સેવા પૂરી પાડવા માટે ક્લાઉડ ફર્સ્ટ અને મોબાઈલ ફર્સ્ટના ઉદ્દેશ્ય સાથે વન નેશન-વન એપ્લિકેશનના સિદ્ધાંતને આગળ ધપાવે છે. આ ટેક્નોલોજીને NeVA નામ આપવામાં આવ્યુ છે.

જણાવી દઈએ કે, દેશની તમામ વિધાનસભાના કામકાજને પેપરલેસ બનાવવા ડિજિટલ વિધાનસભા એક મિશન મોડ પ્રોજેક્ટ નેશનલ ઇ-વિધાન એપ્લિકેશન (NeVA) 'વન નેશન-વન એપ્લિકેશનની થીમ પર વિકસાવવામાં આવી છે.

આનો ઉદ્દેશ લોકોને સારી રીતે માહિતગાર રાખીને સમગ્ર દેશમાં શાસનમાં દૂરગામી ફેરફારો લાવવાનો છે. NeVA માત્ર એક રાજ્યમાં જ નહીં પરંતુ સમગ્ર રાજ્યમાં વિધાનસભા અને કારોબારી વચ્ચે વધુ તાલમેલ, સંકલન, પારદર્શિતા અને જવાબદારી લાવી રહ્યું છે. આ ટેક્નોલોજી વિકાસને ધ્યાનમાં રાખીને મજબૂત IT ઉત્પાદન બનાવવા માટે AI અને IOTનો મહત્તમ ઉપયોગ ICT ક્ષેત્રે કરવામાં આવ્યો છે.

English summary

Know what is paperless assembly? Know how the functioning of the Legislative Assembly will change?