Most Corrupt Country : દુનિયાના સૌથી ભ્રષ્ટ દેશોમાં ભારત સામેલ, જાણો લિસ્ટમાં ક્યાં છે નામ?
Most Corrupt Country : દુનિયામાં જ્યારે જ્યારે ભ્રષ્ટાચારની ચર્ચા આવે ત્યારે ભારતનું નામ ચોક્કસ આવે. આ વાત હાલના એક રેન્કિંગમાં સાબિત થઈ છે.
ભ્રષ્ટાચાર મામલે ભારતની સ્થિતિ વર્ષ 2024માં પણ સારી નથી. આખી દુનિયાના 92 દેશો કરતાં આપણે વધુ ભ્રષ્ટ છીએ. ભારતને અંગ્રેજોથી આઝાદી મળ્યાને 78 વર્ષ થઈ ગયા પરંતુ દેશ હજુ પણ ભ્રષ્ટાચારના ગરકાવ છે.
તમને જણાવી દઈએ કે, નિમ્ન કક્ષાના ગ્રામ સેવક-પટવારીથી માંડીને દેશના સર્વોચ્ચ હોદ્દા પર બેઠેલા અનેક IAS અધિકારીઓ ભ્રષ્ટ છે. નેતાઓમાં પણ ભ્રષ્ટાચારમાં સંડોવાયેલા લોકોની કમી નથી.
ગ્લોબલ કરપ્શન ઇન્ડેક્સ રિપોર્ટ 30 જાન્યુઆરી 2024 ના રોજ સામે આવ્યો છે. આ રિપોર્ટમાં ભારત વિશ્વમાં 180 ની યાદીમાં 93મા ક્રમે છે. વિશ્વના 92 દેશોમાં ભારત કરતાં ઓછો ભ્રષ્ટાચાર છે અને 87 દેશોમાં ભારત કરતાં વધુ ભ્રષ્ટાચાર છે.
વિશ્વનો સૌથી ભ્રષ્ટ દેશ સોમાલિયા છે જ્યારે સૌથી ઓછો ભ્રષ્ટ ડેનમાર્ક છે, જે સતત છઠ્ઠા વર્ષે વૈશ્વિક ભ્રષ્ટાચાર સૂચકાંકમાં ટોચ પર છે. ભારતના ઘણા પડોશીઓ તેનાથી પણ વધુ ભ્રષ્ટ છે. યાદીમાં પાકિસ્તાન 133માં, શ્રીલંકા 115માં, બાંગ્લાદેશ 149માં સ્થાને છે.
ભારતની વાત કરીએ તો, નેશનલ ક્રાઈમ રેકોર્ડ્સ બ્યુરો (NCRB) ના 2022 ના અહેવાલ મુજબ, ભારતમાં સૌથી વધુ ગુનાઓ ધરાવતું રાજ્ય મહારાષ્ટ્ર છે. રાજસ્થાન બીજા સ્થાને અને કર્ણાટક ત્રીજા સ્થાને છે. વર્ષ 2020 અને 2021માં પણ આ ત્રણ રાજ્યો ટોપ-3માં હતા.
મહારાષ્ટ્ર, રાજસ્થાન, મધ્યપ્રદેશ અને તમિલનાડુ એવા રાજ્યો છે જ્યાં સૌથી વધુ છેતરપિંડીના કેસ નોંધાયા છે.
એનસીઆરબી અને લોકલ સર્કલ ઈન્ડિયા કરપ્શન સર્વે રિપોર્ટમાં ઉલ્લેખ છે કે લોકોએ જમીન સંબંધિત મામલામાં સૌથી વધુ લાંચ આપવી પડે છે. આ પછી પોલીસ બીજા સૌથી ભ્રષ્ટ વિભાગોમાં સામેલ છે.
Click it and Unblock the Notifications
Sign in with Google
