ગુજરાતના ચાર લાખથી વધુ લોકોએ બતાવ્યો ડિંગો ‘NOTA’

By Kumardushyant

Updated: Saturday, May 17, 2014, 15:14 [IST]

ગાંધીનગર, 17 મે: દેશની જનતાને એ વાતની જાણીને કદાચ આશ્વર્ય થશે પરંતુ આ સત્ય છે. સમગ્ર ગુજરાતમાં દેશની જનતાએ મતદાન કરતી વખતે સૌથી વખત વાર અને કદાચ પ્રથમ વાર 'નોટા' બટન દબાવ્યું છે. આ બટનને દબાવનારનો સીધો સંકેત હોય છે કે મતદાર કોઇપણ ઉમેદવાર અથવા પાર્ટીના પક્ષમાં નથી.

એક તરફ તો આખા ગુજરાતમાં ભાજપ અને નરેન્દ્ર મોદીની જીતનો જશ્ન મનાવવામાં આવી રહ્યો છે તો બીજી તરફ સૌથી વધુ નોટા બટન દબાવવાની હકિકતને મીડિયા પચાવી ગયું છે. ગુજરાતમાં મતદાન દરમિયાન 4,54,880 (1.8%) વખત નોટા બટન દબાવવામાં આવ્યું છે. એનો અર્થ સ્પષ્ટ છે કે આટલી સંખ્યાના લોકો ગુજરાતના લોકો ઉમેદવારના પક્ષમાં નથી. ત્યારબાદ ભાજપે ગુજરાતમાં 26 માંથી 26 સીટો પર ભારે મતો પર જીત નોંઘાવી છે.

ભારત સૌથી મોટો લોકતાંત્રિક દેશ છે અને અહીં બધા દેશવાસીઓએ પોતાનું મરજી મુજબ કરવાની આઝાદી છે. આ આઝાદીનો લાભ ઉઠાવતાં ગુજરાતે આ મુદ્દે પણ ઇતિહાસ રચી દિધો છે. 4,54,880 લોકોનું નોટા બટન દબાવવું કંઇક ને કંઇક કહી રહ્યું છે. કદાચ આ તે લોકો છે જે નથી ઇચ્છતા કે નરેન્દ્ર મોદી કે પછી ભાજપ અને અન્ય કોઇ રાજકીય પાર્ટી દેશમાં આવે.

ગુજરાતમાં સૌથી વધુ નોટાનો ઉપયોગ મધ્ય ગુજરાતમાં કરવામાં આવ્યો અને તેનું કારણ છે મધ્ય ગુજરાતના આદિવાસી વિસ્તાર તરીકે ઓળખાતા દાહોદમાં 32305 અને છોટા ઉદેપુરમાં 28815 લોકોએ નાટોના બટનનો ઉપયોગ કર્યો છે. ક્યાં કેટલાક લોકોએ પક્ષ અને ઉમેદવારને નકારતાં નોટા બટનનો ઉપયોગ કર્યો છે તે જાણવા માટે સ્લાઇડર પર ક્લિક કરતાં જાવ.