Republic Day 2024: 15 ઓગસ્ટ કરતા અલગ હોય છે 26 જાન્યુઆરીની ઝંડો ફરકાવવાની રીત, જાણો શું હોય છે ફરક

Republic Day 2024: દેશનો રાષ્ટ્રધ્વજ આપણી આન, બાન અને શાનનુ પ્રતીક છે. દર વર્ષે સ્વતંત્રતા દિવસ (15 ઓગસ્ટ) અને પ્રજાસત્તાક દિવસ (26 જાન્યુઆરી) પર ધ્વજ ફરકાવવામાં આવે છે. જો કે, સ્વતંત્રતા દિવસ એટલે કે 15 ઓગસ્ટ અને પ્રજાસત્તાક દિવસ એટલે કે 26 જાન્યુઆરીએ રાષ્ટ્રધ્વજ ફરકાવવામાં અમુક તફાવત છે.

બે પ્રકારના ધ્વજ લહેરાવવામાં અથવા ફરકાવવામાં આવે છે. એકને ધ્વજારોહણ અને બીજાને ધ્વજવંદન કહેવામાં આવે છે. ચાલો જાણીએ કે ધ્વજ ફરકાવવામાં શું તફાવત છે અને શા માટે તેને અલગ-અલગ ગણવામાં આવે છે અને બંનેનો અર્થ શું છે?

ધ્વજ બે રીતે ફરકાવવામાં આવે છે અથવા લહેરાવવામાં આવે છે. ધ્વજને ઉપરની તરફ ખેંચીને ફરકાવવામાં આવે છે જેને ધ્વજારોહણ કહેવામાં આવે છે. અંગ્રેજીમાં તેને Flag Hoisting કહે છે. બીજી બાજુ, પ્રજાસત્તાક દિવસ પર, રાષ્ટ્રધ્વજ ઉપર બાંધેલો રહે છે અને તેને ખોલીને ફરકાવવામાં આવે છે, અંગ્રેજીમાં તેને Flag Unfurling કહે છે.

સ્વતંત્રતા દિવસ (15 ઓગસ્ટ)ના અવસરે, વડાપ્રધાન કાર્યક્રમમાં ભાગ લે છે અને ધ્વજ ફરકાવે છે. જ્યારે ગણતંત્ર દિવસ પર દેશના રાષ્ટ્રપતિ 26 જાન્યુઆરીના મુખ્ય કાર્યક્રમમાં ભાગ લે છે અને ધ્વજ ફરકાવે છે.

સ્વતંત્રતા દિવસ પર લાલ કિલ્લા પર કાર્યક્રમનું આયોજન કરવામાં આવે છે. આ દિવસે વડાપ્રધાન ધ્વજ ફરકાવે છે. જ્યારે, ગણતંત્ર દિવસનો કાર્યક્રમ રાજપથ પર થાય છે. આ દિવસે રાષ્ટ્રપતિ ધ્વજ ફરકાવે છે.

વડાપ્રધાન દેશના રાજકીય વડા છે જ્યારે રાષ્ટ્રપતિ બંધારણીય વડા છે. દેશનું બંધારણ બંધારણ 26 જાન્યુઆરી, 1950ના રોજ અમલમાં આવ્યું. તે પહેલા દેશમાં ન તો બંધારણ હતું કે ન તો રાષ્ટ્રપતિ હતા. આ કારણથી દર વર્ષે 26 જાન્યુઆરીએ રાષ્ટ્રપતિ રાષ્ટ્રધ્વજ ફરકાવે છે.

English summary

Republic Day 2024: Flag Unfurling and Flag Hoisting are different things, Know the details here.