Snake Farming : અહીંના લોકો કરે છે ખતરનાક સાપની ખેતી, જાણો કેમ?
સામાન્ય રીતે લોકો પાલતું પ્રાણીઓ તરીકે ગાય-ભેંસ કે બકરી જેવા પ્રાણીઓને પાળે છે. જો કે તમને જાણીને નવાઈ લાગશે કે એક દેશ એવો છે જ્યાં લોકો ખતરનાક સાપને પાળે છે.
આજ સુધી તમે ગાય, ભેંસ, બકરી અને ઘેટાં ઉછેર વિશે ઘણું સાંભળ્યું હશે. પરંતુ શું તમે ક્યારેય સાપની ખેતી વિશે સાંભળ્યું છે? જો નહીં, તો આજે અમે તમને એક એવી જગ્યા વિશે જણાવવા જઈ રહ્યા છીએ.
જે દેશમાં સાપની ખેતી થાય છે તે અન્ય કોઈ દેશ નથી પરંતુ આપણો પાડોશી દેશ ચીન છે. અહીંના લોકો અનેક પ્રકારના વિચિત્ર પ્રાણીઓ અને જંતુઓ ખાય છે. જેમાંથી એક સાપ પણ છે. આ કારણથી અહીં સાપની ખેતી પણ મોટા પાયે થાય છે.
ચીનના ઝિસિકિયાઓ ગામમાં સાપની ખેતીથી લોકો લાખોની કમાણી કરી રહ્યા છે. ગામની આવકનો મુખ્ય સ્ત્રોત સાપની ખેતી છે, જેના કારણે તે સ્નેક વિલેજ તરીકે ઓળખાય છે.
સમગ્ર વિશ્વમાં સાપ ઉછેર માટે પ્રખ્યાત આ ગામમાં સાપની ખેતી લગભગ દરેક ઘરમાં થાય છે. આ ગામની વસ્તી લગભગ એક હજાર છે અને અહીં રહેનાર દરેક વ્યક્તિ 30,000 સાપ પાળે છે. આના પરથી જ અંદાજ આવી શકે છે કે અહીં રહેવું કેટલું મુશ્કેલ છે.
આ જગ્યાએ દર વર્ષે કરોડો સાપની ખેતી થાય છે. આ ગામમાં જન્મેલા બાળકોને સાપ સાથે રમવાનું શીખવવામાં આવે છે.
લોકો સાપનું માંસ, શરીરના અંગો અને ઝેર વેચીને મોટી કમાણી કરે છે. સાપના ઝેરની કિંમત સોના કરતા પણ વધુ છે અને સૌથી ખતરનાક સાપના એક લીટર ઝેરની કિંમત કરોડોમાં છે.
Click it and Unblock the Notifications
Sign in with Google
