Valentines Day 2024: પ્રેમ કરવા, સૉરી કહેવા, બ્રેકઅપ કરવા આપો આ રંગના ગુલાબ, કોને કયા રંગનુ ફૂલ આપવુ
Different Colors Of Roses Meaning: વેલેન્ટાઈન્સ વીક ટૂંક સમયમાં શરુ થવા જઈ રહ્યુ છે. જેની શરુઆત રોઝ ડેથી થાય છે, દર વર્ષે 7 ફેબ્રુઆરીએ ઉજવવામાં આવે છે. આ દિવસે લોકો જેને પ્રેમ કરે છે અથવા પસંદ કરે છે તેને ભેટ આપીને તેમનો પ્રેમ વ્યક્ત કરે છે. માત્ર કપલ્સ જ નહીં, અન્ય લોકો પણ વેલેન્ટાઈન વીકની ઉજવણી કરી શકે છે.
જો તમે ઇચ્છો તો, તમે તમારા કોઈપણ મિત્રો સામે તમારી નારાજગીનું સમાધાન કરવા માટે રોઝ ડેનો ઉપયોગ પણ કરી શકો છો. ગુલાબના દરેક રંગનું પોતાનું મહત્વ હોય છે, ગુલાબનો રંગ તમારી લાગણીઓને પ્રતિબિંબિત કરે છે.
કયું ફૂલ કયા પ્રસંગ માટે શું કહે છે તે જાણીએ. આ સિવાય આપણે એ પણ જાણીશું કે કયા પ્રકારના ફૂલ કોને આપવા જોઈએ?
પ્રેમનુ પ્રતીક છે ગુલાબ
ગુલાબના ફૂલને પ્રેમનું પ્રતીક માનવામાં આવે છે. આ જ કારણ છે કે આપણે બૉયફ્રેન્ડ અને જેને પ્રેમ કરીએ છીએ તેને ગુલાબ આપીએ છીએ. ખાસ કરીને લાલ ગુલાબ પ્રેમનું પ્રતીક છે. આ પણ એક કારણ છે કે આપણે રોઝ ડે ઉજવીએ છીએ અને ગુલાબ આપીએ છીએ.
લાલ ગુલાબ એટલે હું તને પ્રેમ કરું છું. આ ગુલાબ પ્રેમ, સંબંધની સુંદરતા, સંબંધ માટે આદર અને રોમાંસનું પ્રતિનિધિત્વ કરે છે. આ જ કારણ છે કે લાલ ગુલાબ પ્રેમનું પ્રતીક બની ગયું છે.
સફેદ ગુલાબ શુદ્ધ પ્રેમનું પ્રતિનિધિત્વ કરે છે અને અન્ય વ્યક્તિને લાગે છે કે તમે તેને તમારા માટે પસંદ કર્યો છે. આ સિવાય જો તમારી અને તમારા પાર્ટનર વચ્ચે કોઈ મતભેદ હોય તો આ સફેદ ગુલાબ સંબંધને સુમેળ બનાવવામાં પણ મદદ કરે છે.
પીળા ગુલાબને મિત્રતાનું પ્રતીક માનવામાં આવે છે. જો તમે તમારા મિત્રોને કહેવા માંગતા હોવ કે તમે તેમને પ્રેમ કરો છો, તો તમે તેમને પીળા ગુલાબ આપી શકો છો.
ગુલાબી ગુલાબ કાળજી અને પ્રેમનું પ્રતિનિધિત્વ કરે છે. આ ગુલાબ ખુશી, આભાર અને સંબંધની સુંદરતા દર્શાવે છે.
વાદળી ગુલાબ ખૂબ જ દુર્લભ છે, તેથી જ તેને કોઈને આપવાથી એ દર્શાવી શકાય કે તે વ્યક્તિ તમારા માટે કેટલો ખાસ છે.
નારંગી ગુલાબ જુસ્સાનું પ્રતીક છે. યુગલો તેમના પ્રેમમાં ઉત્કટ અને ઉત્તેજનાનું પ્રતીક કરવા માટે નારંગી ગુલાબ આપી શકે છે.
સફેદ અને લાલ ગુલાબનો ગુલદસ્તો આપો તે બતાવવા માટે હોય છે કે એ વ્યક્તિ તમારા જીવન માટે કેટલો પરફેક્ટ છે. તે તમારા બંને વચ્ચેના મજબૂત સંબંધ અને તેના પ્રત્યેના તમારા સમર્પણને પણ બતાવશે.
પીળુ અને લાલ ગુલાબ જો તમે કોઈને પસંદ કરો છો અને વસ્તુઓને આગળ લઈ જવા માંગો છો, તો તમે પીળા-લાલ ગુલાબના મિશ્રણ સાથે અથવા લાલ ટીપ્સવાળા પીળા ગુલાબનો ગુલદસ્તો આપી શકો છો.
જાંબલી ગુલાબ એટલે પહેલી નજરનો પ્રેમ. જો તમારે કોઈને આ કહેવું હોય તો તેને જાંબલી ગુલાબ આપો. જો તમે કોઈના પ્રત્યે આકર્ષિત છો તો નારંગી ગુલાબ ખરીદો.
કાળુ ગુલાબ સંબંધનો અંત લાવવા અથવા અણગમો વ્યક્ત કરવા માટે આપી શકાય છે. કાળો રંગ અશુભ માનવામાં આવે છે, તેથી પ્રયાસ કરો કે તમારા જીવનમાં કાળો રંગ ન આવે અને વેલેન્ટાઈન ડે પર કાળા ફૂલોની જરૂર ન પડે.
ન્યૂલી વેડ કપલ માટે લાલ અથવા ગુલાબી ગુલાબ. લીલી અને ટ્યૂલિપ પણ પ્રેમનું પ્રતીક છે. બર્ડ ઑફ પેરેડાઈઝ સુખ અને સમૃદ્ધિની ઇચ્છાનું પ્રતિનિધિત્વ કરે છે.
ગર્લફ્રેન્ડ માટે લાલ ગુલાબ અથવા લીલી લાંબી શાખાઓ સાથે પ્રેમની અભિવ્યક્તિનું પ્રતીક છે.
ઓર્કિડનુ ફૂલ દાદા, દાદી, માતા અથવા શિક્ષક માટે આદરનું પ્રતીક છે. એવરગ્રીન દીર્ધાયુષ્યની ઇચ્છાની કામના કરે છે.
કાર્નેશન જેવી મીઠી સુગંધવાળા ફૂલો દર્દીને આપવા જોઈએ. પૉટેડ છોડ ક્યારેય ન આપો. આ અંતિમ અવસ્થા સૂચવે છે.
મિત્રોને ચાઈનીઝ ગુલાબ, ક્રાયસેંથિયમ્સ અથવા પીળા ગુલાબ એ બધા કાયમી મિત્રતાના પ્રતીકો છે.
સિક્રેટ લવ ગુલાબી ગુલાબને ગુપ્ત પ્રેમનું પ્રતીક માનવામાં આવે છે. તે પ્રેમની અભિવ્યક્તિમાં મદદ કરે છે.
Click it and Unblock the Notifications
Sign in with Google
