Voter ID Card : 18 વર્ષ પુરા થાય તે પહેલા 17 વર્ષે જ યુવાનો વોટર આઈડી માટે કરી શકે છે એપ્લાય, જાણો કેમ?

લોકસભા ચૂંટણી આવી રહી છે અને ઘણા યુવાનોની ઉમર 18 વર્ષની થઈ ગઈ હોવા છત્તા પણ મત આપી શકશે નહીં. હકિકતમાં તેમના નામ મતદાર યાદીમાં સામેલ નથી થયા.

આપણે બધા જાણીએ છીએ કે 18 વર્ષ અને તેથી વધુ ઉંમરના લોકો મતદાન કરી શકે છે. પરંતુ તમે જાણો છો કે મતદાર કાર્ડ મેળવવા માટે તમારી ઉંમર 18 વર્ષની હોવી જરૂરી નથી.

જે યુવાનો ટૂંક સમયમાં 18 વર્ષના થવા જઈ રહ્યા છે અથવા જેઓ 17 વર્ષના થઈ ગયા છે તેઓ અગાઉથી જ મતદાર કાર્ડ બનાવી શકે છે. આ બિલકુલ કાયદેસર છે અને તેની પ્રક્રિયા એકદમ સરળ છે. નોંધનીય બાબત એ છે કે જો તમારી ઉંમર 18 વર્ષની નથી તો તમે માત્ર મતદાર કાર્ડ બનાવી શકો છો અને મતદાન કરી શકતા નથી.

કોઈ મતદાર ID માટે કેવી રીતે અરજી કરી શકે? તમારે કયા દસ્તાવેજોની જરૂર પડશે? અહીં અમે તમને જાણવાની જરૂર છે તે બધી માહિતી એકત્રિત કરી છે.

શું છે નવા નિયમો?
અગાઉ જે લોકો કોઈ ચોક્કસ વર્ષની 1 જાન્યુઆરીએ અથવા તે પહેલાં 18 વર્ષના થયા હોય તેઓ તેમના નામ મતદાર યાદીમાં નોંધાવવા માટે પાત્ર હતા. જેઓ 1 જાન્યુઆરી પછી 18 વર્ષના થયા તેમણે મતદાર તરીકે નોંધણી કરાવવા માટે આખું વર્ષ રાહ જોવી પડતી હતી.

મતદાર યાદીની વાર્ષિક સુધારણાના વર્તમાન રાઉન્ડ 2024 માટે કોઈપણ નાગરિક કે જેણે 1લી એપ્રિલ 1લી જુલાઈ અને 1લી ઓક્ટોબર 2024 સુધીમાં 18 વર્ષની વય પ્રાપ્ત કરી લીધી હોય તે પણ પ્રકાશનની તારીખથી અગાઉથી અરજી સબમિટ કરીને મતદાર તરીકે નોંધણી કરાવી શકે છે.

English summary

Voter ID Card : Voter ID can be made before the completion of 18 years, know how?