સીમ કાર્ડમાં એક ખુણે કટ કેમ હોય છે? જાણો તેનુું નેટવર્ક સાથે કોઈ કનેક્શન છે કે કેમ?
મોબાઈલ ફોનમાં વપરાતું સીમ કાર્ડ તમે ઘણી વખત જોયુ હશે. જો કે તમે એક વાત નોટીસ નહીં કરી હોય કે તેમાં એક કટ હોય છે.
આજે 5 વર્ષના બાળકથી લઈને 70 વર્ષના વૃદ્ધો પણ પોતાની સાથે મોબાઈલ ફોન રાખે છે. આ સિવાય આજે ઈન્ટરનેટ એટલું સસ્તું થઈ ગયું છે કે લોકો કલાકો સુધી મોબાઈલ ફોનમાં વ્યસ્ત રહે છે.
સ્માર્ટ ફોન અને ઇન્ટરનેટના કારણે લોકોનો સ્ક્રીન ટાઈમ પણ વધી ગયો છે. જો કે મોબાઈલ ઓપરેટ કરવા માટે સૌથી મહત્વની બાબત એ છે કે તેમાં ઈન્સ્ટોલ કરેલ સિમ કાર્ડ છે. સિમ કાર્ડ વિના તમારો ફોન માત્ર એક બોક્સ છે.
કોઈપણ ફોનમાં સિમ કાર્ડ હોવું સૌથી જરૂરી છે. માર્કેટમાં ઘણી કંપનીઓના સિમ કાર્ડ ઉપલબ્ધ છે. પરંતુ શું તમે ક્યારેય એ વાત પર ધ્યાન આપ્યું છે કે સિમ કાર્ડ એક ખૂણામાંથી કેમ કાપેલુ હોય છે?
જણાવી દઈએ કે એવું નથી કે ફક્ત આપણા દેશમાં જ સિમ કાર્ડ બાજુથી કાપવામાં આવે છે, પરંતુ સમાન સિમ કાર્ડ સમગ્ર વિશ્વમાં વેચાય છે. આજે દુનિયાભરમાં ઘણી ટેલિકોમ કંપનીઓ છે.
જણાવી દઈએ કે શરૂઆતના સમયમાં જે સિમ કાર્ડ બનાવવામાં આવતા હતા તે બાજુથી કાપવામાં આવતા ન હતા. તેની ડિઝાઇન ખૂબ જ સામાન્ય અને લંબચોરસ આકારની હતી. આ સ્થિતિમાં, લોકોને ઘણીવાર એ સમજવામાં મુશ્કેલીનો સામનો કરવો પડતો હતો કે સિમની સીધી બાજુ કઈ છે.
આ સ્થિતિમાં લોકોની આ સમસ્યાને દૂર કરવા માટે ટેલિકોમ કંપનીઓએ સિમની સાઈઝ બદલવાનો નિર્ણય લીધો. સિમ કાર્ડમાં ફેરફાર કરતી વખતે કંપનીઓ તેની એક બાજુ કાપી નાખે છે. આ કટ પછી લોકોને મોબાઈલ ફોનમાં સિમ કાર્ડ નાખવા અને કાઢવાનું સરળ થઈ ગયું છે.
Click it and Unblock the Notifications
Sign in with Google
