Wife on Rent : આ ગામમાં એગ્રીમેન્ટ કરીને થોડા સમય માટે ભાડે મળે છે પત્ની
Wife on rent : ભારતમાં આજે પણ હજારો પ્રજાતિઓ તેમની સદીઓ જુની પરંપરાઓ સાથે જીવે છે. આ જનજાતિઓના રિવાજો આજે પણ લોકોને ચૌકાવે છે.
આવી જ એક પરંપરા મધ્યપ્રદેશમાં જોવા મળે છે. તમને જાણીને નવાઈ લાગશે કે અહીં પત્ની એગ્રીમેન્ટ પર મળે છે. એગ્રીમેન્ટ પુરો થાય પછી અન્ય વ્યક્તિ સાથે જતી રહે છે.
સાંભળવામાં વિચિત્ર લાગતી આ પરંપરા મધ્યપ્રદેશના શિવપુરી જિલ્લામાં જોવા મળે છે. અહીં કુવારી કે પરણેલી તમામ પ્રકારની મહિલાઓને થોડા સમય માટે ચોક્કસ રકમ ચુકવીને ભાડે લઈ શકાય છે.
આ માટે સ્ટેમ્પ પેપર પર કરાર પણ કરવામાં આવે છે. જેને લોકો એગ્રીમેન્ટ મેરેજ અથવા ભાડાની પત્ની કહે છે. ધડીચા પરંપરા મુજબ દર વર્ષે નિયત સમયે બજાર ભરાય છે.
આ બજારમાં પુરૂષ ખરીદદારો દૂર દૂરથી આવે છે. અહીં કુંવારી છોકરીઓ ઉપરાંત પરિણીત મહિલાઓની હરાજી થાય છે. ખરીદદારો ચોક્કસ સમયગાળા માટે છોકરીઓ અથવા સ્ત્રીઓને તેમની પત્ની તરીકે લે છે. આ માટે કરાર કરવામાં આવે છે.
એક વર્ષ માટે ખરીદદારોને પસંદગીની મહિલા આપતા પહેલા બંને પક્ષો વચ્ચે એક વર્ષ માટે યોગ્ય કરાર તૈયાર કરવામાં આવે છે. આ માટે બંને પક્ષો 10 રૂપિયાથી લઈને 100 રૂપિયા સુધીના સ્ટેમ્પ પર સહી કરે છે. કરારની શરતો લખેલી છે, તે પછી જ છોકરીઓને સોંપવામાં આવે છે.
જો કોઈ પુરૂષ એક વર્ષના કરાર પર જતી મહિલાઓને લાંબા સમય સુધી રાખવા માંગે તો વધારાના પૈસા ચૂકવીને કરાર રિન્યુ કરી શકે છે. આ પરંપરા હેઠળ છોકરા અને છોકરીના લગ્ન કરાવવા જરૂરી છે.
ધડીચા પરંપરામાં માં મહિલાઓને કરાર તોડવાનો અધિકાર આપવામાં આવ્યો છે, જે આ પ્રથાનું એક અનોખું પાસું છે. જો મહિલાને વધુ સારી ઓફર મળે છે અથવા ભાડે લેનાર વ્યક્તિથી અસંતુષ્ટ છે તો તે કરાર સમાપ્ત કરવાનો નિર્ણય લઈ શકે છે.
કરારનો ભંગ કરવા મહિલાએ સ્ટેમ્પ પેપર પર એફિડેવિટ આપવું પડે છે. જેમાં ઉલ્લેખ કરવામાં આવ્યો હોય છે કે તે કરારને સમાપ્ત કરવા માંગે છે. આ પછી તેમણે અગાઉ આપેલી રકમ પરત કરવી પડે છે.
Click it and Unblock the Notifications
Sign in with Google
