આપનો મંચ: કહો આ વખતે કઇ પાર્ટીને મળશે કેટલી બેઠકો?

ગાંધીનગર, 29 એપ્રિલ: દેશભરમાં ચૂંટણી મહોત્સવ ચાલી રહ્યો છે. 16મી લોકસભાની તસવીર તૈયાર થવામાં હવે માત્ર ત્રણ તબક્કાની ચૂંટણી જ બાકી છે. આવતી કાલે 30 એપ્રિલના રોજ લોકસભા ચૂંટણીના સાતમાં તબક્કાનું મતદાન થવા જઇ રહ્યું છે. આ સાતમાં તબક્કામાં 9 રાજ્યોની કૂલ 89 બેઠકો માટે મતદાન થવાનું છે. જોકે સાતમાં તબક્કાના મતદાન તરફ સૌની નજર છે, કારણ કે તેમાં દિગ્ગજોના નસીબ ઇવીએમ મશીનમાં બંધ થવાના છે.

અત્યાર સુધી થયેલા 6 તબક્કાના મતદાનની વાત કરીએ તો કેટલાંક રાજ્યોની કેટલીંક બેઠકોને બાદ કરતા 2009ની સરખામણીમાં રેકોર્ડ બ્રેક મતદાન થયું છે, અને બાકીના ત્રણ તબક્કાના મતદાનમાં પણ રેકોર્ડબ્રેક વોટિંગ થવાની પૂરેપૂરી સંભાવના છે.

લોકસભા ચૂંટણી 2009ની વાત કરીએ તો 543 બેઠકો માટે થયેલ આ ચૂંટણીમાં કોંગ્રેસને 206 બેઠકો મળી અને તેણે યૂપીએના સાથી પક્ષો સાથે મળી પુનઃ સરકાર તો બનાવી લીધી. બીજી બાજુ ભાજપ વધુ નબળો પડ્યો અને તેની બેઠકો ઘટીને 116 થઈ ગઈ. ઉપરાંત અન્ય રાષ્ટ્રીય કક્ષાના પક્ષોમાં બહુજન સમાજ પાર્ટી (બીએસપી)ને 21, ભારતીય કૉમ્યુનિસ્ટ પાર્ટી (સીપીઆઈ)ને 4, માર્ક્સવાદી કૉમ્યુનિસ્ટ પાર્ટી (સીપીએમ)ને 16, રાષ્ટ્રવાદી કોંગ્રેસ પાર્ટી (એનસીપી)ને 9 અને રાષ્ટ્રીય જનતા દળ (આરજેડી)ને 4 બેઠકો મળી હતી.

આ વખતે ભારતીય જનતા પાર્ટીનો દરેક નેતા એવું માને છે કે દેશમાં મોદીની લહેર છે અને ભાજપને આ વખતે પૂર્ણ 272 બહુમત મળશે, જોકે હવે મોદી તેમના પ્રચારમાં લોકોને દિલ્હીમાં 300 કમળ મોકલવાનું આહ્વાન કરી રહ્યા છે. જ્યારે વિવિધ સર્વે પણ કહી રહ્યા છે કે ભાજપને બહુમત મળશે અને કોંગ્રેસને ઐતિહાસિક પરાજય.. જોકે દેશની જનતા કોની જોળીમાં વિજયનું કમળ આપે છે અને કોના ગાલે હારની તમાચ ચોડે છે એતો 16 તારીખે જ ખબર પડશે...

હવે આપ જ જણાવો કે આ વખતે કંઇ પાર્ટીને કેટલી બેઠકો મળશે?