રિલાયન્સ જિયો 4જી વિશે સામે આવી કેટલીક ચોંકાવી નાંખે તેવી વાતો

Published: Thursday, September 22, 2016, 11:41 [IST]

રિલાયન્સ જિયો એ તેમના યુઝરને 90 દિવસનો અનલિમિટેડ ઓફર આપ્યો છે. આ ઓફરમાં યુઝરને અનલિમિટેડ ઈન્ટરનેટ, અનલિમિટેડ વોઈસકોલિંગ, અનલિમિટેડ એસએમએસ જેવી સુવિધા આપી છે. આ સુવિધાઓનો લાભ યુઝર 31 ડિસેમ્બર સુધી લઇ શકશે.

રિલાયન્સ જિયોના ચેરમેન મુકેશ અંબાણીએ કંપનીની બેઠકમાં લોન્ચ દરમિયાન રિલાયન્સ જિયોનો પ્લાન રજુ કર્યો. આ પ્લાન 19 રૂપિયાથી શરૂ થઇને 4999 રૂપિયા સુધીનો છે. જેમાં તમને 75 જીબી સુધીનો ડેટા મળે છે.

રિલાયન્સ જિયોની 4જી સિમ પહેલા ખાલી લાઈફ બ્રાન્ડ સ્માર્ટફોન સાથે જ મળતું હતું. પરંતુ હવે તે બધા જ 4જી સ્માર્ટફોન માટે ઉપલબ્ધ છે. અહીં આજે અમે તમને રિલાયન્સ જિયો સાથે જોડાયેલી કેટલીક એવી વાતો જણાવવા જઈ રહ્યા છે જે તમને કદાચ જ ખબર હશે.

અનલિમિટેડ નાઈટ ઉપયોગ કે પછી 3 કલાકનું ઈન્ટરનેટ

રિલાયન્સ જિયોના લોન્ચ દરમિયાન એવી જાહેરાત કરવામાં આવી હતી કે અનલિમિટેડ નાઈટ યુઝ મળશે. પરંતુ આ નાઈટ યુઝ ખાલી 3 કલાક માટે જ છે. તેની સમયમર્યાદા પણ રાત્રે 2 થી 5 વાગ્યા સુધીની જ છે.

અનલિમિટેડ નહીં પરંતુ લિમિટેડ છે જિયો ઓફર

રિલાયન્સ જિયોનું કહેવું છે કે યુઝર 31 ડિસેમ્બર સુધી અનલિમિટેડ ડેટાનો લાભ ઉઠાવી શકે છે. પરંતુ આ ડેટા અનલિમિટેડ નથી પરંતુ લિમિટેડ છે. જેમાં તમને પ્રતિદિવસ 4 જીબી ડેટા મળે છે. જયારે પહેલા પ્રીવ્યુ ઓફરમાં અનલિમિટેડ ડેટા મળતા હતા.

50 રૂપિયામાં 1 જીબી ડેટા

રિલાયન્સ જિયો પર યુઝરને 50 રૂપિયામાં 1 જીબી ડેટા મળી શકે છે. પરંતુ તમે તે ત્યારે જ લઇ શકશો જયારે તમે 149થી શરૂ થવાવાળા કોઈ પણ પ્લાનનો ઉપયોગ કરો. એટલા કે તમારે પહેલા 149થી શરૂ થવાવાળા કોઈ એક પ્લાન પૂરો કરવો પડશે પછી જ તમને તે ડેટા મળશે.