વરસાદમાં બેક્ટેરિયા અને ફંગસ થવાથી ભીના કપડામાંથી આવવા લાગે છે દુર્ગંધ, આ હેક્સથી મેળવો છૂટકારો

આજે અમે ભીના કપડામાંથી આવતી દુર્ગંધની સમસ્યાને દૂર કરવા માટે કેટલાક હેક્સ જણાવી રહ્યા છીએ જે વરસાદના દિવસોમાં તમારી મુશ્કેલી દૂર કરી શકે છે.

Published: Thursday, July 7, 2022, 12:34 [IST]

નવી દિલ્લીઃ વરસાદમાં કપડા સુકવવા એ સૌથી મોટી સમસ્યા છે. ઓછા સૂર્યપ્રકાશને કારણે ધોયેલા કપડા મોડા સુકાય છે અને તેના કારણે તેમાંથી દુર્ગંધ આવતી રહે છે. આ સિઝનમાં પૂરતો સૂર્યપ્રકાશ ન મળવાને કારણે કપડામાં ભેજ રહે છે. જેના કારણે કપડામાં બેક્ટેરિયા અને ફંગસ વધવા લાગે છે અને કપડામાંથી દુર્ગંધ આવવા લાગે છે. જો આ કપડા ઉતાવળમાં પહેરી લેવામાં આવે તો ત્વચામાં ઈન્ફેક્શન થવાનો ડર પણ રહે છે. તો આજે અમે આ સમસ્યાઓને દૂર કરવા માટે કેટલાક હેક્સ જણાવી રહ્યા છીએ જે વરસાદના દિવસોમાં તમારી સમસ્યાને દૂર કરી શકે છે.

બેકિંગ સોડા અને સિરકાનો ઉપયોગ કરો

જો વરસાદમાં ડિટર્જન્ટથી કપડા ધોયા પછી પણ તેની દુર્ગંધ દૂર ન જાય તો તેના માટે કપડા ધોતી વખતે લોન્ડ્રી પાઉડર સાથે પાણીમાં થોડો વિનેગર અથવા બેકિંગ સોડા મિક્સ કરો. વિનેગરની પ્રકૃતિ એસિડિક હોય છે, જે ગંધ પેદા કરતા બેક્ટેરિયાને વધવા દેતી નથી.

લીંબુના રસનો કરો ઉપયોગ

વરસાદની મોસમમાં વધુ પડતા ભેજને કારણે ભીના કપડામાંથી ખૂબ જ ઝડપથી દુર્ગંધ આવવા લાગે છે. કપડાં ધોતી વખતે પાણીમાં લીંબુના થોડા ટીપા નાખો. લીંબુ પ્રકૃતિમાં એસિડિક હોય છે, જે ગંધ પેદા કરતા બેક્ટેરિયાને મારી શકે છે.

હેંગર પર સૂકવો કપડા

વરસાદની ઋતુમાં હંમેશા ભીના કપડાને અલગથી ફેલાવો અને ખુલ્લી જગ્યામાં મુકો. તેનાથી દુર્ગંધ તો દૂર થશે જ સાથે જ ભેજ પણ ઝડપથી દૂર થઈ જશે. આ સિવાય વરસાદના દિવસોમાં કપડાંને હેંગરમાં લટકાવી દો, તેનાથી કપડાંને પંખા કે બારીમાંથી હવા આવે છે, જેનાથી દુર્ગંધ આવતી નથી.

ચૉક કે સિલિકૉન પાઉચ રાખો

ચૉક અથવા સિલિકોન પાઉચ તમારા કપડાંમાંથી ગંધને શોષી લે છે. તેથી કપડાંને સૂકવવા અને વરસાદના દિવસોમાં દુર્ગંધ દૂર કરવા માટે તમારા કબાટમાં ચૉકની લાકડીઓ અને સિલિકોન પાઉચ રાખો.

આ સામાન્ય વસ્તુઓનુ ધ્યાન રાખો

ચોમાસામાં ટોપલી કે વૉશિંગ મશીનમાં એક અઠવાડિયા સુધી કપડા સ્ટોર ન કરો અને વરસાદમાં ભીંજાયેલા કપડાને આ રીતે ડોલમાં આખી રીત મૂકી ના દો. ડીટરજન્ટમાં પલાળેલી વસ્તુને તરત જ સારી રીતે ધોઈ લો.
વરસાદમાં એરોમેટિક ડિટર્જન્ટનો ઉપયોગ કરો, આ ટ્રિક દુર્ગંધને રોકવા માટે પણ કામ કરે છે.
વરસાદમાં ભીના કપડાને સૂકવવા માટે ખુલ્લી જગ્યાએ રાખો, કપડા સુકવતી વખતે તેની આસપાસ મીઠુ ભરેલી થેલી રાખો. તે કપડામાંથી મોઈશ્ચરાઈઝરને શોષી લે છે અને તેને ઝડપથી સૂકવવામાં મદદ કરે છે.