GPSE એ પરીક્ષાઓનું સત્તાવાર ટાઈમ ટેબલ જાહેર કર્યુ, વિગતે જાણો

ગુજરાત જાહેર સેવા આયોગ (GPSC) દ્વારા સરકારી નોકરીની તૈયારી કરતા ઉમેદવારો માટે વર્ષ 2026ની વિવિધ ભરતી પરીક્ષાઓની તારીખો સત્તાવાર રીતે જાહેર કરવામાં આવી છે.

આયોગ મુજબ, ક્લાસ-1 અને ક્લાસ-2 ના કુલ 18 અલગ-અલગ સંવર્ગો માટેની પ્રાથમિક કસોટીઓ આગામી ફેબ્રુઆરી, માર્ચ અને એપ્રિલ 2026 દરમિયાન યોજાશે. આ માહિતી GPSCના ચેરમેને 8 જાન્યુઆરી, 2026ના રોજ આયોગના સત્તાવાર X (અગાઉ ટ્વિટર) હેન્ડલ પર પોસ્ટ કરી છે.

ચેરમેને વધુમાં જણાવ્યું કે, GPSC વિવિધ વિભાગો સાથે પરામર્શ કરી રહી છે. તે પૂર્ણ થતાં જાન્યુઆરી મહિનાના અંત સુધીમાં ભરતી કેલેન્ડર બહાર પાડવામાં આવશે. આ નિવેદનથી ઉમેદવારોને ભરતી પ્રક્રિયા અંગે વધુ સ્પષ્ટતા મળી છે.

જાહેરાત ક્રમાંક 28/2025-26 તથા જાહેરાત ક્રમાંક 44/2025-26 સિવાયની તમામ જાહેરાતોની સામાન્ય અભ્યાસ (General Studies) ની પ્રાથમિક કસોટી 26 એપ્રિલ, 2026 ના રોજ લેવાશે. જ્યારે સંબંધિત વિષયોની પરીક્ષાઓ અલગ-અલગ નિર્ધારિત તારીખોએ યોજાશે.

આ પ્રાથમિક કસોટીઓમાં રહસ્ય સચિવ ક્લાસ-2, મદદનીશ વહીવટી અધિકારી ક્લાસ-2, ગુજરાત મત્સ્યોદ્યોગ સેવા, સામાન્ય રાજ્ય સેવામાં ક્લાસ-2 વહીવટી અધિકારી, MIS મેનેજર ક્લાસ 1 અને 2, નાયબ મેનેજર, દંતસર્જન, પશુચિકિત્સા અધિકારી ક્લાસ-2, નિયામક ગ્રંથપાલ, મદદનીશ ગ્રંથપાલ નિયામક, ગુજરાત શિક્ષણ સેવા, મદદનીશ ઉદ્યોગ કમિશનર, નાયબ માહિતી નિયામક તથા મુખ્ય વૈજ્ઞાનિક અધિકારી જેવા 18 સંવર્ગોનો સમાવેશ થાય છે.

પ્રાથમિક પરીક્ષાની તારીખ અંગે અગત્યની જાહેરાત પ્રસિદ્ધ કરવામાં આવેલ છે.https://t.co/Me3TQBhHfV

— GPSC (@GPSC_OFFICIAL) January 8, 2026

આ જાહેર કરાયેલ પરીક્ષા કાર્યક્રમ વહીવટી અને ટેકનિકલ ક્ષેત્રે કારકિર્દી બનાવવા ઈચ્છતા યુવાનોમાં નવી આશા જગાવશે. ઉમેદવારોને વિગતવાર પરીક્ષા કેન્દ્ર, સમયપત્રક અને અન્ય મહત્વપૂર્ણ સૂચનાઓ માટે GPSCની સત્તાવાર વેબસાઇટ પર નિયમિતપણે નજર રાખવા વિનંતી કરાઈ છે.

English summary

The Gujarat Public Service Commission has published the 2026 recruitment exam dates for Class 1 and Class 2 cadres across 18 categories, with preliminaries in February to April and a general studies paper on 26 April 2026. Candidates should monitor the official GPSC site for centres, schedules, and instructions.