ધોરણ 10 અને 12ની બોર્ડ પરીક્ષા માટે 1675 નવા કેન્દ્રોને આપવામાં આવી મંજૂરી

GSEB Exams 2024: ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા આગામી માર્ચમાં યોજાનાર ધોરણ 10 અને 12ની પરીક્ષા માટે કુલ 1675 પરીક્ષા કેન્દ્રો નક્કી કરવામાં આવ્યા છે. આ વખતે નવા 54 કેન્દ્રોને મંજૂરી આપવામાં આવી છે.

આ નવા કેન્દ્રોમાં ધોરણ 10ના 26 કેન્દ્રોનો સમાવેશ થાય છે. આ ઉપરાંત નવા 71 મધ્યસ્થ મૂલ્યાંકન કેન્દ્રો પણ નક્કી કરવામાં આવ્યા છે તેમ સૂત્રો દ્વારા જાણવા મળ્યુ છે.

તમને જણાવી દઈએ કે ગુજરાત શિક્ષણ બોર્ડ દ્વારા 11 માર્ચથી ધોરણ 10 અને 12ની પરીક્ષા લેવામાં આવશે. જે 26 માર્ચ સુધી ચાલશે. સમગ્ર રાજ્યમાંથી ધોરણ 10 માટે કુલ 981 પરીક્ષા કેન્દ્રો નક્કી કરવામાં આવ્યા છે. ગઈ વખતે 958 પરીક્ષા કેન્દ્રો હતા. આ વખતે નવા 26 કેન્દ્રો ઉમેરાયા છે.

વળી, ધોરણ 12 સામાન્ય પ્રવાહ માટે કુલ 547 કેન્દ્રો નક્કી કરવામાં આવ્યા છે. જે ગયા વર્ષે 482 હતા. આમ, આ વખતે 21 નવા પરીક્ષા કેન્દ્રો ઉમેરવામાં આવ્યા છે. ધોરણ 10 અને 12માં કુલ મળીને 65 નવા કેન્દ્રોનો સમાવેશ કરવામાં આવ્યો છે.

ધોરણ 12 વિજ્ઞાન પ્રવાહમાં સમગ્ર રાજ્યમાં કુલ 147 કેન્દ્રો નક્કી કરવામાં આવ્યા છે. ગયા વખતના કેન્દ્રો કરતા સંખ્યામાં વધારો કરવામાં આવ્યો છે. આ ઉપરાંત શિક્ષણ બોર્ડ દ્વારા રાજ્યમાં નવા 71 મધ્યસ્થ મૂલ્યાંકન કેન્દ્રો નક્કી કરવામાં આવ્યા છે. આ વખતે 24 નવા મધ્યસ્થ મૂલ્યાંકન કેન્દ્ર સાથે કુલ 186 મૂલ્યાંકન કેન્દ્રો નક્કી કરાયા છે. ધોરણ 12 સામાન્ય પ્રવાહમાં નવા 39 મૂલ્યાંકન કેન્દ્રો સાથે કુલ 183 મૂલ્યાંકન કેન્દ્રો નક્કી કરવામાં આવ્યા છે.

English summary

Gujarat: 1675 new centers approved for class 10th and 12th board exams